തിരുവനന്തപുരം: ഇന്നലെ ആകെ സാംമ്പിൾ പരിശോധന 60,613 ആണ്. എന്നാൽ, ഇന്നത്തെ ആകെ സാംമ്പിൾ 59,569 പരിശോധന ആണ്. ഇതിൽ രോഗബാധ 5142 പേർക്കാണ് സ്ഥിരീകരിച്ചത്. സംസ്ഥാനത്ത് ഇന്ന് രോഗമുക്‌തി നേടിയവർ 5325 ഉമാണ്. ഇന്ന് കോവിഡ് മരണം സ്ഥിരീകരിച്ചത് 23 പേർക്കാണ്.
ആകെ രോഗ ബാധിതരുടെ ജില്ല തിരിച്ചുള്ള കണക്ക്;
കാസർഗോഡ്: 65
കണ്ണൂർ: 249
വയനാട്: 238
കോഴിക്കോട്: 469
മലപ്പുറം: 419
പാലക്കാട്: 267
തൃശ്ശൂർ: 500
എറണാകുളം: 708
ആലപ്പുഴ: 341
കോട്ടയം: 462
ഇടുക്കി: 301
പത്തനംതിട്ട: 433
കൊല്ലം: 377
തിരുവനന്തപുരം: 313
സമ്പര്‍ക്ക രോഗികള്‍ 4563 ഇന്നുണ്ട്. ഉറവിടം അറിയാത്ത 424 രോഗബാധിതരും, 64,236 പേർ നിലവിൽ ചികിൽസയിലുമുണ്ട്. ആരോഗ്യരംഗത്തുള്ള 67 പേർക്കാണ് ഇന്ന് രോഗബാധ സ്ഥിരീകരിച്ചത്. സമ്പർക്ക രോഗികളുടെ ശതമാനകണക്ക് നോക്കിയാൽ അത് 88.74 ശതമാനമാണ്.
ഇന്നത്തെ ടെസ്‌റ്റ് പോസിറ്റിവിറ്റി ശതമാനം 8.63 ആണ്. ഇന്നത്തെ 5142 രോഗബാധിതരില്‍ 88 പേർ യാത്രാ ചരിത്രം ഉള്ളവരാണ്. 24 മണിക്കൂറിനിടെ യുകെയിൽ നിന്നും വന്ന 3 പേർക്കാണ് കേരളത്തിൽ കോവിഡ് 19 സ്‌ഥിരീകരിച്ചിരുന്നത്. ഇതോടെ അടുത്തിടെ യുകെയിൽ നിന്നും വന്ന 50 പേർക്കാണ് ഇത് വരെ കോവിഡ് 19 സ്ഥിരീകരിച്ചത്. അതിവേഗ വ്യാപന ശേഷിയുള്ളതാണോ ഈ വൈറസുകൾ എന്നറിയുന്നതിന് വേണ്ടി ഇവരുടെ സാംപിളുകൾ എൻഐവി പൂനെയിലേക്ക് തുടർ പരിശോധനക്കായി അയച്ചിട്ടുണ്ട്. ഇതിൽ ആകെ 06 പേരുടെ ഫലത്തിൽ ജനിതകമാറ്റം സംഭവിച്ച വൈറസ് ആണുള്ളത്.
സമ്പര്‍ക്കത്തിലൂടെ 4563 പേർക്ക് രോഗ ബാധ സ്‌ഥിരീകരിച്ചു. കാസര്‍ഗോഡ് 61, കണ്ണൂര്‍ ജില്ലയില്‍ നിന്നുള്ള 205 പേര്‍ക്കും, കോഴിക്കോട് 436, മലപ്പുറം 398, വയനാട് ജില്ലയില്‍ നിന്നുള്ള 230 പേര്‍ക്കും, പാലക്കാട് ജില്ലയില്‍ നിന്നുള്ള 98 പേര്‍ക്കും, തൃശൂര്‍ ജില്ലയില്‍ നിന്നുള്ള 479 പേര്‍ക്കും, എറണാകുളം 644, ആലപ്പുഴ ജില്ലയില്‍ നിന്നുള്ള 331 പേര്‍ക്കും, ഇടുക്കി 293, കോട്ടയം 429, കൊല്ലം ജില്ലയില്‍ നിന്നുള്ള 369 പേര്‍ക്കും, പത്തനംതിട്ട ജില്ലയില്‍ നിന്നുള്ള 371, തിരുവനന്തപുരം ജില്ലയില്‍ നിന്നുള്ള 219 പേര്‍ക്കുമാണ് സമ്പര്‍ക്കത്തിലൂടെ ഇന്ന് രോഗം ബാധിച്ചത്.
ഇന്ന് കോവിഡില്‍ നിന്ന് മുക്‌തി നേടിയവര്‍ 5325, ജില്ല തിരിച്ചുള്ള കണക്ക് ഇനി പറയുന്നതാണ്; തിരുവനന്തപുരം 307, കൊല്ലം 323, പത്തനംതിട്ട 728, ആലപ്പുഴ 366, കോട്ടയം 545, ഇടുക്കി 99, എറണാകുളം 686, തൃശൂര്‍ 366, പാലക്കാട് 207, മലപ്പുറം 569, കോഴിക്കോട് 574, വയനാട് 126, കണ്ണൂര്‍ 318, കാസര്‍ഗോഡ് 111. ഇനി ചികിൽസയിലുള്ളത് 64,236. ഇതുവരെ ആകെ 7,33,384 പേര് കോവിഡില്‍ നിന്നും മുക്‌തി നേടി.
Read: സന്ദീപിന്റെ രഹസ്യമൊഴി ആവശ്യപ്പെട്ട് കസ്‌റ്റംസ്‌ വീണ്ടും കോടതിയിൽ
സംസ്ഥാനത്ത് ആകെ കോവിഡ് മരണം ഇത് വരെ 3257 ആയി. ഇന്ന് കോവിഡ്-19 സ്‌ഥിരീകരിച്ച മരണങ്ങള്‍ 23 ആണ്. 67 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. പത്തനംതിട്ട 20, എറണാകുളം 10, കൊല്ലം, തൃശൂര്‍ 6 വീതം, പാലക്കാട്, കോഴിക്കോട്, കണ്ണൂര്‍ 5 വീതം, തിരുവനന്തപുരം, കാസര്‍ഗോഡ് 4 വീതം, ഇടുക്കി, വയനാട് 1 വീതം എന്നിങ്ങനെയാണ് ആരോഗ്യ പ്രവർത്തകരുടെ രോഗബാധ.
സംസ്‌ഥാനത്തെ കോവിഡ് പരിശോധന: കഴിഞ്ഞ 24 മണിക്കൂറിനിടെ 59,569 സാമ്പിളുകളാണ് പരിശോധിച്ചത്. റുട്ടീന്‍ സാമ്പിള്‍, എയര്‍പോര്‍ട്ട് സര്‍വയിലന്‍സ്, പൂള്‍ഡ് സെൻറ്റിനല്‍, സിബി നാറ്റ്, ട്രൂനാറ്റ്, സിഎല്‍ഐഎ, ആൻറ്റിജെന്‍ എന്നിവ ഉള്‍പ്പെടെ ഇതുവരെ ആകെ 83,44,963 സാമ്പിളുകളാണ് പരിശോധനക്കായി അയച്ചത്.
Most Read: കാര്‍ഷിക നിയമം; ചര്‍ച്ചയില്‍ നാടകീയ രംഗങ്ങള്‍, കര്‍ഷകര്‍ മൗനവ്രതത്തില്‍
ഇന്ന് സംസ്ഥാനത്ത് ഒഴിവാക്കപ്പെട്ടത് 09 ഹോട്ട് സ്‌പോട്ടുകളാണ്; ഇനി 440 ഹോട്ട് സ്‌പോട്ടുകളാണ് സംസ്ഥാനത്ത് ഉള്ളത്. ഒഴിവാക്കപ്പെട്ട ഹോട്ട് സ്‌പോട്ടുകളുടെ പേര് വിവരങ്ങൾ ലഭ്യമായിട്ടില്ല.
സംസ്‌ഥാനത്തിന്റെ വിവിധ ഭാഗങ്ങളിലായി ഇന്ന് നിലവില്‍ വന്നത് 03 ഹോട്ട് സ്‌പോട്ടുകളാണ്. പേര് വിവരങ്ങൾ: തൃശൂര്‍ ജില്ലയിലെ മറ്റത്തൂര്‍ (വാര്‍ഡ് 9), പത്തനംതിട്ട ജില്ലയിലെ മലയാലപുഴ (സബ് വാര്‍ഡ് 7), തോട്ടപ്പുഴശേരി (സബ് വാര്‍ഡ് 1, 2, 6).
1301 പേരെ ഇന്ന് ആശുപത്രിയില്‍ പ്രവേശിപ്പിച്ചിട്ടുണ്ട്. ഇനി വിവിധ ജില്ലകളിലായി 1,98,270 പേരാണ് നിരീക്ഷണത്തിലുള്ളത്. നിരീക്ഷണത്തിലുള്ളവരില്‍ 1,87,104. പേര് വീട്/ഇൻസ്‌റ്റിറ്റൃൂഷണൽ ക്വാറന്റെയ്നിലും 11,166 പേര് ആശുപത്രികളിലുമാണ്.
Related Read: കൊറോണ വൈറസിന്റെ പതിനാറ് വകഭേദങ്ങള്‍ക്ക് എതിരെയും ഫൈസര്‍ വാക്‌സിന്‍ ഫലപ്രദം; പഠനം
