സാമ്പത്തികമായി ഞെരുക്കുന്നുവെന്ന് കേരളം; കേന്ദ്രത്തിന് സുപ്രീം കോടതി നോട്ടീസ്

ശമ്പളവും പെൻഷനും ഉൾപ്പടെ നൽകാൻ ബുദ്ധിമുട്ടുകയാണെന്നും, അടിയന്തിരമായി വിഷയം പരിഗണിക്കണമെന്നും കേരളത്തിന് വേണ്ടി കപിൽ സിബൽ സുപ്രീം കോടതിയെ അറിയിച്ചു.

By Trainee Reporter, Malabar News
Financial Crisis in kerala
Ajwa Travels

ന്യൂഡെൽഹി: വായ്‌പാ പരിധി ഉൾപ്പടെ വെട്ടിക്കുറച്ചു കേന്ദ്ര സർക്കാർ സാമ്പത്തികമായി ഞെരുക്കുന്നുവെന്ന കേരളത്തിന്റെ ഹരജിയിൽ കേന്ദ്രത്തിന് നോട്ടീസയച്ചു സുപ്രീം കോടതി. കേരളത്തിന്റെ സ്യൂട്ട് ഹരജി പരിഗണിച്ചാണ് സുപ്രീം കോടതി കേന്ദ്ര സർക്കാരിന് സമൻസ് അയച്ചത്. ശമ്പളവും പെൻഷനും ഉൾപ്പടെ നൽകാൻ ബുദ്ധിമുട്ടുകയാണെന്നും, അടിയന്തിരമായി വിഷയം പരിഗണിക്കണമെന്നും കേരളത്തിന് വേണ്ടി കപിൽ സിബൽ സുപ്രീം കോടതിയെ അറിയിച്ചു.

അടിയന്തിരമായി കടമെടുക്കാൻ അനുവദിക്കണമെന്ന കേരളത്തിന്റെ ആവശ്യം കണക്കിലെടുത്ത് കേസ് ഈ മാസം 25ന് പരിഗണിക്കാനായി മാറ്റി. കടമെടുപ്പ് പരിധി വെട്ടിക്കുറച്ചതിൽ അടക്കം ഇടപെടൽ തേടിയായിരുന്നു കേരളം സുപ്രീം കോടതിയിൽ ഹരജി സമർപ്പിച്ചത്. ഭരണഘടനയുടെ 13ആം അനുച്ഛേദം അനുസരിച്ചാണ് ഹരജി.

സംസ്‌ഥാനത്തിന്റെ സാമ്പത്തിക സ്വയംഭരണ അവകാശത്തിൽ കേന്ദ്രം ഭരണഘടനാപരമായി ഇടപെടുന്നത് തടയണമെന്നാണ് ഹരജിയിലെ ആവശ്യം. ഇല്ലാത്ത അധികാരം ഉപയോഗിച്ച് വായ്‌പാ പരിധി വെട്ടിക്കുറച്ചു സംസ്‌ഥാനത്തെ സാമ്പത്തിക പ്രതിസന്ധിയിലാക്കിയെന്നും ഹരജിയിൽ വിമർശനമുണ്ട്. സാമ്പത്തിക പ്രതിസന്ധി ഒഴിവാക്കാൻ സംസ്‌ഥാനത്തിന്‌ 26.000 കോടി ആവശ്യമാണെന്നും ഹരജിയിൽ കേരളം വ്യക്‌തമാക്കിയിട്ടുണ്ട്.

Most Read| ആരോഗ്യ മേഖലയുടെ നവീകരണം; 3000 കോടി രൂപയുടെ ബൃഹത് പദ്ധതി വരുന്നു

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE