വയനാട്: ജില്ലയിൽ കോവിഡ് നിയമ ലംഘനവുമായി ബന്ധപ്പെട്ട് രണ്ടു മാസത്തിനിടെ രജിസ്റ്റർ ചെയ്തത് 3,117 കേസുകൾ. ജൂൺ-ജൂലൈ മാസങ്ങളിലെ കണക്കാണിത്. ഇതിൽ 31 കേസുകൾ ക്വാറന്റെയ്ൻ ലംഘിച്ചതിനാണ് രജിസ്റ്റർ ചെയ്തിരിക്കുന്നത്.
പൊതുയിടങ്ങളിൽ ശരിയായ വിധം മാസ്ക് ധരിക്കാത്തതിന് 13,387 പേർക്കെതിരെയും സാമൂഹിക അകലം പാലിക്കാത്തതിന് 13,287 പേർക്കെതിരെയും പിഴ ചുമത്തിയിട്ടുണ്ടെന്ന് ജില്ലാ പോലീസ് മേധാവി ഡോ.അരവിന്ദ് സുകുമാർ അറിയിച്ചു.
പൊതുജനങ്ങൾ നിർബന്ധമായും കോവിഡ് മാനദണ്ഡങ്ങൾ പാലിക്കണമെന്നും, അല്ലാത്തവർക്കെതിരെ കർശന നടപടി സീകരിക്കുമെന്നും അദ്ദേഹം പറഞ്ഞു. കോവിഡ് രോഗികളുമായി സമ്പർക്കത്തിലേർപ്പെട്ട് ക്വാറന്റെയ്നിൽ നിർദ്ദേശിക്കപ്പെട്ടവർ നിർബന്ധമായും ക്വാറന്റെയ്നിൽ കഴിയണമെന്നും പൊതു ഇടങ്ങളിൽ സാമൂഹിക അകലം പാലിക്കണമെന്നും നിർദ്ദേശിച്ചു.
Read Also: കോവിഡ് പ്രതിരോധ പ്രവർത്തനം; കേന്ദ്ര സംഘം കളക്ടറുമായി ചർച്ച നടത്തി