കോഴിക്കോട്: നാദാപുരം വിലങ്ങാട് ഹൈസ്കൂൾ പരിസരത്ത് കുളിക്കാനിറങ്ങിയ യുവാവ് ഒഴുക്കിൽ പെട്ട് മരിച്ചു. മലയങ്ങാട് മേമറ്റത്തിൽ റോയി-ജോളി ദമ്പദികളുടെ മകൻ സ്റ്റച്ചിൻ (23) ആണ്.
ഓട്ടോറിക്ഷാ ഡ്രൈവറായ സ്റ്റച്ചിൻ ഞായറാഴ്ച വൈകിട്ട് ആറ് മണിക്ക് കൂട്ടുകാരോടൊപ്പം കുളിക്കുന്നതിനിടയിലാണ് ഒഴുക്കിൽ പെട്ടത്. കൂട്ടുകാരും വിലങ്ങാട് അങ്ങാടിയിലുള്ളവരും നടത്തിയ തിരച്ചിലിനിടെ ഒന്നര കിലോ മീറ്റർ അകലെ വെച്ചാണ് സ്റ്റച്ചിനെ കണ്ടെത്തിയത്. തുടർന്ന് കല്ലാച്ചിയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു. മൃതദേഹം പോസ്റ്റുമോർട്ടത്തിന് ശേഷം സംസ്കരിക്കും. സഹോദരങ്ങൾ: സ്റ്റെബിൻ, സ്റ്റെഫി