കോഴിക്കോട്: കോവിഡ് മാനദണ്ഡങ്ങൾ ലംഘിച്ചതിന് സംസ്ഥാന പ്രസിഡണ്ട് കെ സുരേന്ദ്രന് അടക്കം 1500 ബിജെപി പ്രവർത്തകർക്കെതിരെ പോലീസ് കേസെടുത്തു. കോഴിക്കോട് മുതലക്കുളം മൈതാനത്ത് നടന്ന പ്രതിഷേധ പരിപാടിയിലാണ് മാനദണ്ഡ ലംഘനം കണ്ടെത്തിയത്. സുരേന്ദ്രന് പുറമേ എംടി രമേശും ജില്ലാ നേതാക്കളും പ്രതിഷേധത്തിൽ പങ്കെടുത്തിരുന്നു.
നേരത്തെ, സിപിഎം ജില്ലാ സമ്മേളനങ്ങൾക്കെതിരെ ബിജെപി രംഗത്തെത്തിയിരുന്നു. കോവിഡ് ചട്ടങ്ങൾ ലംഘിച്ച് മെഗാ തിരുവാതിരയടക്കം നടത്തിയതിനെ ബിജെപി നേതാക്കളടക്കം രൂക്ഷമായി വിമർശിച്ചിരുന്നു. ഇതിന് പിന്നാലെയാണ് അഞ്ഞൂറിലധികം ആളുകളെ പങ്കെടുപ്പിച്ച് ബിജെപി പ്രതിഷേധം സംഘടിപ്പിച്ചത്.
Also Read: ധീരജ് വധം; പ്രതികൾക്കായുള്ള കസ്റ്റഡി അപേക്ഷ പരിഗണിക്കുന്നത് മാറ്റി