തിരുവനന്തപുരം: സംസ്‌ഥാനത്ത് കോവിഡ് വ്യാപനത്തെ തുടർന്ന് കെഎസ്ആർടിസി നിരക്കുകളിൽ ഏർപ്പെടുത്തിയ ഇളവുകൾ പിൻവലിച്ചു. ഇതോടെ വോള്‍വോ, സൂപ്പര്‍ എക്‌സ്‍പ്രസ്, എക്‌സ്‍പ്രസ് ടിക്കറ്റുകള്‍ക്ക് ഇന്ന് മുതൽ പഴയ നിരക്ക് തന്നെ നല്‍ക്കേണ്ടി വരും. സർവീസുകൾ പഴയപടിയാകുന്നത് കണക്കിലെടുത്താണ് ഇപ്പോൾ നിരക്കുകളിൽ ഏർപ്പെടുത്തിയ ഇളവുകൾ പിൻവലിക്കാൻ അധികൃതർ തീരുമാനിച്ചത്.
30 ശതമാനം ഇളവാണ് വോള്‍വോ, സൂപ്പര്‍ എക്‌സ്‍പ്രസ് ടിക്കറ്റുകള്‍ക്ക് ഏര്‍പ്പെടുത്തിയിരുന്നത്. കോവിഡ് സാഹചര്യത്തില്‍ ഓര്‍ഡിനറി ബസുകളില്‍ നിരക്കിളവ് നടപ്പാക്കിയിരുന്നില്ലെങ്കിലും വോള്‍വോ, സ്‌കാനിയ, എക്‌സ്‍പ്രസ് ബസുകളില്‍ ടിക്കറ്റ് നിരക്ക് കുറയ്‌ക്കാന്‍ കെഎസ്ആര്‍ടിസി തയ്യാറായി. നോണ്‍ എസി ലോ ഫ്ളോര്‍ ബസ് നിരക്കും ഓര്‍ഡിനറി സിറ്റി ബസിന്റേതിന് തുല്യമായി കുറച്ചിരുന്നു.
യാത്രക്കാർ കുറഞ്ഞതിനെ തുടർന്നാണ് സർവീസുകളിൽ നിരക്ക് കുറയ്‌ക്കാൻ അധികൃതർ തീരുമാനിച്ചത്. തുടര്‍ന്ന് സര്‍വീസുകള്‍ സാധാരണ നിലയിലെത്തിയതോടെ ഇവയില്‍ ചിലത് പുനഃസ്‌ഥാപിക്കുകയും ചെയ്‌തിരുന്നു.
Read also: തൊഴിലിടങ്ങളിലെ ലൈംഗികപീഡനങ്ങൾ; പരിഹാര സെല്ലുകൾ ഭാവനയിൽ മാത്രമെന്ന് വനിതാ കമ്മീഷൻ
