എടക്കര: സമ്പൂർണ ലോക്ക്‌ഡൗൺ നിയന്ത്രണങ്ങളിൽ ഇളവ് വന്നതോടെ നീലഗിരിയിലെ മുഴുവൻ വ്യാപാര സ്‌ഥാപനങ്ങളും തുറന്നെങ്കിലും യാത്രക്കാർക്ക് കർശന നിയന്ത്രണം തുടരുകയാണ്. പുറത്തുനിന്നെത്തുന്ന യാത്രക്കാർക്ക് നീലഗിരിയിലേക്ക് പ്രവേശനം അനുവദിക്കുന്നില്ല. നേരത്തെ ഇ പാസ് എടുത്താ‍ൽ യാത്രക്കാരെ ചെക്‌പോസ്‌റ്റ്‌ കടത്തിവിട്ടിരുന്നു. ഇപ്പോൾ ഇ പാസ് അനുവദിക്കുന്നില്ല. ആശുപത്രി കേസുമായി വരുന്ന വാഹനങ്ങൾക്ക് മാത്രമാണ് പ്രവേശനാനുമതി നൽകുന്നത്.
നിയന്ത്രണങ്ങളിൽ ഇളവ് വരുത്തിയതറിഞ്ഞ് നാടുകാണി ചുരം കയറിയെത്തിയ യാത്രക്കാരെ നാടുകാണി ചെക്‌പോസ്‌റ്റിൽ പോലീസ് തടഞ്ഞു. അതേസമയം, കോവിഡ് വ്യാപനം കൂടുതലുള്ള 11 ജില്ലകളിൽ നീലഗിരിയും ഉൾപ്പെട്ടതിനെ തുടർന്ന് നീലഗിരിയിൽ മദ്യഷോപ്പുകൾ തുറക്കാൻ അനുമതി നൽകിയിട്ടില്ല. 27 ജില്ലകളിൽ നിയന്ത്രണ വിധേയമായി മദ്യഷോപ് തുറന്നിട്ടുണ്ട്. ഊട്ടി, മസിനഗുഡി, തൊപ്പക്കാട് ഉൾപ്പടെയുള്ള നീലഗിരിയിലെ ടൂറിസ്‌റ്റ് കേന്ദ്രങ്ങൾ 2 മാസത്തോളമായി അടഞ്ഞു കിടക്കുകയാണ്.
Also Read: രാമനാട്ടുകര സ്വർണക്കടത്ത് കേസ്; സൂഫിയാൻ പോലീസ് കസ്‌റ്റഡിയിൽ
