മലപ്പുറം: മഅ്ദിന് അക്കാദമിയുടെ ആഭിമുഖ്യത്തില് സ്വലാത്ത് ആത്മീയ സംഗമം നാളെ (വ്യാഴം) ഓണ്ലൈനില് നടക്കും. വൈകിട്ട് 7ന് ആരംഭിക്കുന്ന പരിപാടിക്ക് മഅ്ദിന് ചെയര്മാന് സയ്യിദ് ഇബ്റാഹീമുല് ഖലീല് അല് ബുഖാരി നേതൃത്വം നല്കും.
മന്ഖൂസ് മൗലിദ് പാരായണം, മുള്രിയ്യ, സ്വലാത്തുന്നാരിയ്യ, ഹദ്ദാദ്, ഖുര്ആന് പാരായണം, തഹ്ലീല് എന്നിവ നടക്കും. സയ്യിദ് മുഹമ്മദ് ഫാറൂഖ് ജമലുല്ലൈലി, സയ്യിദ് മുഹമ്മദ് ഖാസിം സ്വാലിഹ് ഹൈദ്രൂസി, സയ്യിദ് അഹ്മദുല് കബീര് അല് ബുഖാരി, ഇബ്റാഹീം ബാഖവി മേല്മുറി, അബ്ദുൽ ജലീല് സഖാഫി കടലുണ്ടി, അബൂബക്കര് സഖാഫി കുട്ടശ്ശേരി, സുലൈമാന് ഫൈസി കിഴിശ്ശേരി, അബൂബക്കര് സഖാഫി അരീക്കോട് എന്നിവര് സംബന്ധിക്കും.
കോവിഡ് പ്രോട്ടോകോൾ നിലനിൽക്കുന്നതിനാൽ നിശ്ചിത ആളുകള്ക്ക് മാത്രമാണ് നേരിട്ട് പങ്കെടുക്കാൻ കഴിയുക. മറ്റു വിശ്വാസികൾക്ക് ഓണ്ലൈനായി സംബന്ധിക്കാം. പങ്കെടുക്കാനും പരിപാടികള് വീക്ഷിക്കാനും Youtube.com/MadinAcademy എന്ന യുട്യൂബ് ചാനൽ ഉപയോഗിക്കാം.
Most Read: ചാരപ്രവർത്തനം; പഞ്ചാബിൽ സൈനിക ഉദ്യോഗസ്ഥർ അറസ്റ്റിൽ