ഫുട്ബോള് ഇതിഹാസം ഡീഗോ മറഡോണയുടെ വിയോഗത്തില് കേരളത്തില് രണ്ടു ദിവസത്തെ ദുഃഖാചരണം പ്രഖ്യാപിച്ചു. കേരള കായിക ലോകത്തില് നവംബര് 26, 27 തീയതികളില് ദുഃഖാചരണത്തിന് കായിക വകുപ്പ് തീരുമാനിച്ചതായി മന്ത്രി ഇ പി ജയരാജന് അറിയിച്ചു.
‘ഫുട്ബോള് ഇതിഹാസം ഡീഗോ മറഡോണയുടെ വേര്പാട് ലോകമെങ്ങുമുള്ള ഫുട്ബോള് ആരാധകരെ കടുത്ത ദുഃഖത്തില് ആഴ്ത്തിയിരിക്കുകയാണ്. കേരളത്തിലും ലക്ഷക്കണക്കിന് ആരാധകര് ആ വേര്പാട് വിശ്വസിക്കാന് കഴിയാതെ വിങ്ങലിലാണ്. ഈ സാഹചര്യത്തില് കേരള കായിക ലോകത്തില് നവംബര് 26, 27 തിയതികളില് ദുഃഖാചരണത്തിന് കായിക വകുപ്പ് തീരുമാനിച്ചു. കായിക മേഖലയൊന്നാകെ ദുഃഖാചരണത്തില് പങ്കുചേരണമെന്ന് അഭ്യര്ഥിക്കുന്നു’- മന്ത്രി ഫേസ്ബുക്കില് കുറിച്ചു.