റിയാദ്: സൗദി അറേബ്യയിലെ വ്യാപാര സ്ഥാപനത്തിൽ വൻ തീപിടിത്തം. അൽ ദർബിൽ പ്രവർത്തിക്കുന്ന അൽ ദർബ് സെൻട്രൽ മാർക്കറ്റിലാണ് തീപിടിത്തമുണ്ടായത്. ഒൻപത് മണിക്കൂറോളം പരിശ്രമിച്ച ശേഷമാണ് സിവിൽ ഡിഫൻസ് തീ നിയന്ത്രണ വിധേയമാക്കിയത്.
തൊട്ടടുത്ത് പെട്രോൾ പമ്പുണ്ടായിരുന്നത് ആശങ്ക ഉയർത്തിയെങ്കിലും പമ്പിലേക്ക് തീ പടരാതെ നിയന്ത്രിക്കാൻ ഡിഫൻസിന് കഴിഞ്ഞു. അധികൃതർ മുൻകരുതൽ നടപടികളുടെ ഭാഗമായി പ്രദേശത്തേക്കുള്ള വൈദ്യുതി വിച്ഛേദിക്കുകയും സമീപത്തെ വ്യാപാര സ്ഥാപനങ്ങളിൽ നിന്ന് ആളുകളെ ഒഴിപ്പിക്കുകയും ചെയ്തു. സംഭവത്തിൽ ആർക്കും പരിക്കേറ്റിട്ടില്ല.
Also Read: സൗദിക്ക് നേരെ ആക്രമണ ശ്രമം; മൂന്ന് ഡ്രോണുകള് തകര്ത്ത് അറബ് സഖ്യസേന