കൊച്ചി: എടയാർ വ്യവസായ മേഖലയിൽ വൻ തീപിടുത്തം. ഓറിയോൺ കെമിക്കൽ ഫാക്‌ടറിയിൽ രാത്രി 11.30ഓടെയാണ് അപകടം ഉണ്ടായത്. പ്‌ളാസ്‌റ്റിക് പോളിമാർ ഉൽപന്നങ്ങളും സാനിറ്റൈസറും ഉൽപാദിപ്പിക്കുന്ന ഫാക്‌ടറിയാണ് ഓറിയോൺ.
സമീപത്തെ മറ്റൊരു ഫാക്‌ടറിയിലേക്കും തീ പടർന്നിരുന്നു. തീപിടുത്തത്തിന്റെ കാരണം വ്യക്‌തമല്ല. ആലുവ, പറവൂർ, അങ്കമാലി എന്നിവിടങ്ങളിൽ നിന്ന് 12 യൂണിറ്റ് ഫയർ ഫോഴ്‌സ്‌ യൂണിറ്റുകൾ എത്തിയാണ് തീ നിയന്ത്രണവിധേയമാക്കിയത്. തീവ്ര ശ്രമത്തിന് ശേഷം പുലർച്ചെ രണ്ടര മണിയോട് കൂടിയാണ് തീ പൂർണമായി അണച്ചു.
കനത്ത നാശനഷ്‌ടം ഉണ്ടായിട്ടുണ്ടെന്നാണ് വിവരം. സംഭവത്തിൽ കൂടുതൽ പരിശോധന നടക്കും. ഷോർട് സർക്യൂട് ആണ് അപകടത്തിന് കാരണമെന്നാണ് പ്രാഥമിക നിഗമനം.
Also Read: ജയിലില്‍ തല്ല് കൂടിയാല്‍ തടവുകാര്‍ക്ക് ഇനി അടിയില്ല, പകരം കേസ്
