ന്യൂഡെൽഹി: പ്രധാനമന്ത്രി നരേന്ദ്ര മോദിക്കെതിരെ വീണ്ടും കടന്നാക്രമണം നടത്തി കോൺഗ്രസ് നേതാവ് രാഹുൽ ഗാന്ധി എംപി. രാജ്യം ചരിത്രത്തിലാദ്യമായി സാങ്കേതികമായി മാന്ദ്യത്തിലേക്ക് കടന്നുവെന്ന റിസർവ് ബാങ്ക് ഓഫ് ഇന്ത്യ (ആർബിഐ)യുടെ റിപ്പോർട്ട് പുറത്തുവന്ന പശ്‌ചാത്തലത്തിലാണ് രാഹുൽ ഗാന്ധിയുടെ വിമർശനം. മോദിയുടെ നയങ്ങൾ രാജ്യത്തിന്റെ ശക്‌തി ദുർബലമാക്കിയെന്ന് രാഹുൽ ഗാന്ധി ട്വീറ്റ് ചെയ്‌തു. സാമ്പത്തിക മാന്ദ്യം സംബന്ധിച്ച വാർത്ത പങ്കുവച്ചുകൊണ്ടാണ് രാഹുലിന്റെ ട്വീറ്റ്.
India has entered into recession for the first time in history.
Mr Modi’s actions have turned India’s strength into its weakness. pic.twitter.com/Y10gzUCzMO
— Rahul Gandhi (@RahulGandhi) November 12, 2020
ആർബിഐ ഡെപ്യൂട്ടി ഗവർണർ മൈക്കൽ പത്ര അടങ്ങുന്ന സാമ്പത്തിക വിദഗ്‌ധരുടെ സംഘം തയ്യാറാക്കിയ റിപ്പോർട്ടിലാണ് രാജ്യം സാമ്പത്തിക മാന്ദ്യത്തിലേക്ക് കടന്നതായി വ്യക്‌തമാക്കുന്നത്‌. സാമ്പത്തിക വർഷത്തിന്റെ രണ്ടാം പാദത്തിലും തുടർച്ചയായ ഇടിവ് രേഖപ്പെടുത്തിയെന്നാണ് റിപ്പോർട്ടിൽ പറയുന്നത്. നവംബർ 27ന് ഇതുമായി ബന്ധപ്പെട്ട സ്‌ഥിതി വിവരക്കണക്കുകൾ സർക്കാർ പ്രസിദ്ധീകരിക്കും.
Related News: ചരിത്രത്തിൽ ആദ്യമായി ഇന്ത്യ സാമ്പത്തിക മാന്ദ്യത്തിലേക്ക്; ആർബിഐ
