ബെംഗളൂരു: മൈസൂരു കൂട്ടബലാൽസംഗ കേസിലെ പ്രതികളെ ഇന്ന് സംഭവസ്‌ഥലത്ത് എത്തിച്ച് തെളിവെടുക്കും. തമിഴ്‌നാട് സ്വദേശികളായ അഞ്ച് യുവാക്കളെ കഴിഞ്ഞ ദിവസമാണ് പോലീസ് അറസ്‌റ്റ്‌ ചെയ്‌തത്‌. പ്രതികളിൽ ഒരാൾ പ്രായപൂർത്തിയാകാത്ത ആളാണ്.
പ്രതിപട്ടികയിലുള്ള തിരുപ്പൂർ സ്വദേശിയായ ആറാമനായി തിരച്ചിൽ ഊർജിതമാക്കിയിട്ടുണ്ട്. ഗുരുതരമായി പരിക്കേറ്റ് ചികിൽസയിൽ കഴിയുന്ന പെൺകുട്ടിയുടെ ആരോഗ്യനില മെച്ചപ്പെടുന്നുണ്ടെന്ന് ആശുപത്രി അധികൃതർ അറിയിച്ചു. പ്രതികളെ പെൺകുട്ടി തിരിച്ചറിഞ്ഞിട്ടുണ്ട്.
കേസിൽ മലയാളികളായ എഞ്ചിനീയറിങ് വിദ്യാർഥികൾക്ക് പങ്കുണ്ടെന്ന് സംശയം ഉയർന്നിരുന്നു. ഇവരെ വിശദമായി ചോദ്യം ചെയ്‌തപ്പോൾ കേസുമായി ബന്ധമില്ലെന്ന് വ്യക്‌തമായതിനാൽ പോലീസ് വിട്ടയച്ചു. 35ഓളം പേരെ പോലീസ് ചോദ്യം ചെയ്‌തിരുന്നു.
ഓഗസ്‌റ്റ്‌ 25നാണ് ഉത്തർപ്രദേശ് സ്വദേശിയായ പെൺകുട്ടി കൂട്ടബലാൽസംഗത്തിന് ഇരയായത്. സുഹൃത്തിനൊപ്പം ചാമുണ്ഡി ഹില്‍സ് സന്ദര്‍ശിക്കാൻ എത്തിയതായിരുന്നു 23കാരിയായ പെൺകുട്ടി. സുഹൃത്തിനെ മർദിച്ച് അവശനാക്കിയ ശേഷമാണ് പെൺകുട്ടിയെ പ്രതികൾ ആക്രമിച്ചത്. പീഡന ദൃശ്യങ്ങൾ ഫോണിൽ പകർത്തി പണം തട്ടാനും പ്രതികൾ ശ്രമിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
