ലഖ്നൗ: നിരാഹാരം അവസാനിപ്പിച്ച് പഞ്ചാബ് കോൺഗ്രസ് പ്രസിഡണ്ട് നവജ്യോത് സിംഗ് സിദ്ദു. ആശിഷ് മിശ്ര അന്വേഷണ സംഘത്തിന് മുന്നിൽ ഹാജരായ സാഹചര്യത്തിലാണ് തീരുമാനം. ലഖിംപൂർ ഖേരി കേസിലെ പ്രധാന പ്രതി ആശിഷ് മിശ്രയെ അറസ്റ്റ് ചെയ്യും വരെ ഉപവാസം തുടരുമെന്നാണ് അദ്ദേഹം അറിയിച്ചിരുന്നത്.
നവജ്യോത് സിംഗ് സിദ്ദു ഇന്നലെയാണ് അനിശ്ചിതകാല നിരാഹാര സമരം ആരംഭിച്ചത്. അന്തരിച്ച പ്രാദേശിക മാദ്ധ്യമ പ്രവർത്തകൻ രാമൻ കശ്യപിന്റെ വസതിയിലാണ് സിദ്ദുവിന്റെ നിരാഹാര സമരം. കശ്യപിന്റെ കുടുംബാംഗങ്ങളുമായി കൂടിക്കാഴ്ച നടത്തിയ ശേഷമാണ് വീടിന് പുറത്ത് ഉപവാസം ആരംഭിച്ചത്.
അതേസമയം മാദ്ധ്യമങ്ങളുടെ കണ്ണുവെട്ടിച്ച് ക്രൈം ബ്രാഞ്ച് ഓഫിസിന് പിൻ വാതിലിലൂടെയാണ് ആശിഷ് മിശ്ര എത്തിയത്. സുരക്ഷ ഒരുക്കി പോലീസും കൂടെയുണ്ടായിരുന്നു. ഇതിനിടെ ലഖിംപൂരിൽ കർഷകർക്ക് മേൽ വാഹനം ഇടിച്ചു കയറ്റിയ മറ്റൊരു വാഹനത്തിലെ ഡ്രൈവറെ കൂടി അറസ്റ്റ് ചെയ്തു. അപകട സമയം കാർ ഓടിച്ചിരുന്ന അങ്കിത് ദാസിനെയാണ് അറസ്റ്റ് ചെയ്തത്. ഇയാളെ വിശദമായി ചോദ്യം ചെയ്യും.
Kerala News: ഹരിത മുൻ ഭാരവാഹികളുടെ പരാതി: ഉചിതമായ നടപടി ഉണ്ടാകും; വനിതാ കമ്മീഷൻ
