തിരുവനന്തപുരം: അഭ്യൂഹങ്ങൾക്ക് വിരാമമിട്ട് മാണി സി കാപ്പൻ. എൻസിപി വിട്ടെങ്കിലും താൻ കോൺഗ്രസിലേക്കില്ലെന്ന് അദ്ദേഹം വ്യക്തമാക്കി. ഹൈക്കമാൻഡ് പ്രതിനിധികളെ കണ്ട് നിലപാട് അറിയിക്കുകയും ചെയ്തു.
കോൺഗ്രസിൽ ചേരണം എന്നത് മുല്ലപ്പള്ളി രാമചന്ദ്രന്റെ മാത്രം ആവശ്യം ആയിരുന്നുവെന്നും അദ്ദേഹത്തിന് കോൺഗ്രസ് പാരമ്പര്യമുള്ള തന്റെ കുടുംബത്തോടുള്ള താൽപര്യം മൂലമാണ് അങ്ങനെയൊരു നിർദ്ദേശം മുന്നോട്ട് വെച്ചതെന്നും കാപ്പൻ പറഞ്ഞു. എന്നാൽ, താൻ ഘടകകക്ഷി എന്ന നിലയിൽ മാത്രമേ കോൺഗ്രസിലേക്കുള്ളൂ എന്ന് മാണി സി കാപ്പൻ വ്യക്തമാക്കി.
പുതിയ പാർട്ടിയുടെ പ്രഖ്യാപനം ഇന്ന് വൈകിട്ട് 5 മണിയോടെ ഉണ്ടാകുമെന്ന് അദ്ദേഹം അറിയിച്ചു. നിലവിലുള്ള എൻസിപിയെക്കാൾ ശക്തമായിരിക്കും പുതിയ പാർട്ടിയെന്ന് കാപ്പൻ പറയുന്നു. യുഡിഎഫിന്റെ ഔദ്യോഗിക പാർട്ടി പ്രഖ്യാപനം നാളെ ഉണ്ടാകുമെന്നും ഒന്നിലധികം സീറ്റുകൾ ആവശ്യപ്പെടുമെന്നും മാണി സി കാപ്പൻ പ്രതികരിച്ചു.
Also Read: ആൾക്കൂട്ടം കണ്ട് കാർഷിക നിയമങ്ങൾ പിൻവലിക്കില്ല; കേന്ദ്ര കൃഷിമന്ത്രി