റിയാദ്: സൗദിയിലെ എല്ലാ സ്കൂളുകളിലും ഈ മാസം 23ആം തീയതി മുതൽ ഓഫ് ലൈൻ ക്ളാസുകൾ തുടങ്ങുമെന്ന് വ്യക്തമാക്കി അധികൃതർ. വിദ്യാഭ്യാസ, ആരോഗ്യ വകുപ്പുകളാണ് ഇക്കാര്യം വ്യക്തമാക്കിയത്. ക്ളാസുകൾ ഓഫ് ലൈൻ ആക്കുന്നതോടെ മുഴുവൻ വിദ്യാർഥികളും സ്കൂളിൽ ഹാജരാകണമെന്ന് അധികൃതർ നിർദ്ദേശം നൽകിയിട്ടുണ്ട്.
അതേസമയം ആരോഗ്യ കാരണങ്ങളാൽ ഹാജരാകാൻ സാധിക്കാത്ത കുട്ടികൾക്ക് ഇളവ് നൽകിയിട്ടുണ്ട്. ഇവർക്ക് ഓൺലൈനായി ക്ളാസുകൾ നടത്തുന്നതായിരിക്കും.
സൗദിയിൽ നിലവിൽ കോവിഡ് വ്യാപനത്തെ തുടർന്ന് 6ആം ക്ളാസ് മുതലുള്ള കുട്ടികൾക്ക് മാത്രമായിരുന്നു ഓഫ് ലൈൻ ക്ളാസുകൾ ഉണ്ടായിരുന്നത്. 12 വയസിൽ താഴെയുള്ള കുട്ടികൾക്ക് സ്കൂളുകളിൽ നേരിട്ട് ഹാജരാകാൻ ഇതുവരെ അനുമതി നൽകിയിരുന്നില്ല.
Read also: മുംബൈയിലെ ഗോഡൗണിന് തീപിടിച്ചു; ആളപായമില്ല