തിരുവനന്തപുരം : സ്വര്ണ്ണക്കടത്ത് കേസിന്റെ പശ്ചാത്തലത്തില് സ്പീക്കര് പി ശ്രീരാമകൃഷ്ണനെതിരെ വീണ്ടും നോട്ടീസ് നല്കി പ്രതിപക്ഷം. ശ്രീരാമകൃഷ്ണനെ സ്പീക്കര് സ്ഥാനത്ത് നിന്നും മാറ്റണമെന്ന് ആവശ്യപ്പെട്ട് എം ഉമ്മര് എംഎല്എയാണ് നോട്ടീസ് നല്കിയത്. സ്വര്ണ്ണക്കടത്ത് കേസിലെ പ്രതികളുമായി അടുത്ത ബന്ധമുണ്ടെന്ന ആരോപണമാണ് പ്രതിപക്ഷം നോട്ടീസില് ഉന്നയിക്കുന്നത്.
ജനുവരി 8ആം തീയതിയാണ് 14ആം നിയമസഭയുടെ ബജറ്റ് സമ്മേളനം ആരംഭിക്കുന്നത്. അതിന് മുന്നോടിയായാണ് ഇപ്പോള് സ്പീക്കര്ക്കെതിരെ ആരോപണവുമായി പ്രതിപക്ഷം രംഗത്തെത്തിയിരിക്കുന്നത്. സ്പീക്കര്ക്കെതിരെ ഇതിന് മുന്പ് പ്രതിപക്ഷം നല്കിയ നോട്ടീസ് തള്ളിയിരുന്നു.
സര്ക്കാരിനെതിരായ അവിശ്വാസ പ്രമേയ നോട്ടിസിനൊപ്പമാണ് നേരത്തെ പ്രതിപക്ഷം സ്പീക്കര്ക്കെതിരെയും നോട്ടീസ് സമര്പ്പിച്ചത്. എന്നാല് നിയമസഭാ സമ്മേളനത്തിന് 14 ദിവസം മുന്പ് നോട്ടീസ് നല്കണമെന്ന ചട്ടം ചൂണ്ടിക്കാട്ടി അന്ന് നോട്ടീസ് തള്ളിയിരുന്നു.
Read also : ആദായ നികുതി ഉദ്യോഗസ്ഥർ റോബർട്ട് വാദ്രയുടെ ഓഫീസിൽ