കല്പ്പറ്റ: ഈ വര്ഷത്തെ പത്മപ്രഭാ പുരസ്കാരത്തിന് കവിയും ഗാനരചയിതാവും തിരക്കഥാകൃത്തും സംവിധായകനുമായ ശ്രീകുമാരന് തമ്പി അര്ഹനായി. കവിയും ഗാനരചയിതാവുമായ കെ. ജയകുമാര് ചെയര്മാനും തിരക്കഥാകൃത്തും സംവിധായകനുമായ രഞ്ജിത്, കവിയും ഗാനരചയിതാവുമായ റഫീഖ് അഹമ്മദ് എന്നിവര് അംഗങ്ങളുമായ സമിതിയാണ് പുരസ്കാര ജേതാവിനെ തിരഞ്ഞെടുത്തതെന്ന് പത്മപ്രഭാ സ്മാരക ട്രസ്റ്റ് ചെയര്മാന് എം. വി. ശ്രേയാംസ് കുമാര് എം.പി. അറിയിച്ചു.
Malabar News: തുലാമഴ ഇല്ല; ഭാരതപ്പുഴയില് ജലനിരപ്പ് കുറയുന്നു
ആധുനിക വയനാടിന്റെ ശിൽപികളില് പ്രമുഖനായ എം.കെ. പത്മപ്രഭാ ഗൗഡരുടെ പേരില് ഏര്പ്പെടുത്തിയ സാഹിത്യ പുരസ്കാരമാണ് ‘പത്മപ്രഭാ പുരസ്കാരം’. 75,000 രൂപയും പത്മരാഗക്കല്ല് പതിച്ച ഫലകവും പ്രശസ്തി പത്രവും അടങ്ങുന്നതാണ് പുരസ്കാരം. 1996 മുതല് തുടര്ച്ചയായി ഇത് നല്കി വരുന്നുണ്ട്.