ബെംഗളൂരു: വിദ്യാഭ്യാസ സ്ഥാപനങ്ങളിലെ ഹിജാബ് നിരോധനം ശരിവച്ച് കര്ണാടക ഹൈക്കോടതി. ഇസ്ലാമിക വിശ്വാസ പ്രകാരം ഹിജാബ് ധരിക്കുന്നത് മതപരമായി അവിഭാജ്യ ഘടകമല്ലെന്ന് കര്ണാടക ഹൈക്കോടതിയുടെ മൂന്നംഗ ബെഞ്ച് വിധിച്ചു. യൂണിഫോമിനെ വിദ്യാര്ഥികള്ക്ക് എതിര്ക്കാനാവില്ലെന്നും കോടതി പറഞ്ഞു.
ക്ളാസ് മുറിയില് ഹിജാബ് ധരിക്കാന് അനുവദിക്കണമെന്ന് ആവശ്യപ്പെട്ട് ഉഡുപ്പിയിലെ പിയു കോളേജ് വിദ്യാര്ഥിനികള് നല്കിയ ഹരജികള് തള്ളിക്കൊണ്ടാണ് കോടതിയുടെ സുപ്രധാന ഉത്തരവ്. വിധി പ്രഖ്യാപനത്തിന് മുന്നോടിയായി ബെംഗളൂരു നഗരത്തില് ചൊവ്വാഴ്ച മുതല് 21വരെ നിരോധനാജ്ഞ പ്രഖ്യാപിച്ചിട്ടുണ്ട്.
പ്രതിഷേധ പരിപാടികള്, ആഹ്ളാദപ്രകടനങ്ങള്, കൂടിച്ചേരലുകള് എന്നിവ പാടില്ലെന്ന് ബെംഗളൂരു സിറ്റി പോലീസ് കമ്മീഷണര് കമാല് പന്ത് ഉത്തരവില് വ്യക്തമാക്കി. ധര്വാദ്, കല്ബുര്ഗി ജില്ലകളിലും നിരോധനാജ്ഞ പ്രഖ്യാപിച്ചു. ശിവമോഗ ജില്ലയിലും നിരോധനാജ്ഞ നിലവിലുള്ളതിനാല് സ്കൂളുകളും കോളേജുകളും ചൊവ്വാഴ്ച അടഞ്ഞു കിടക്കുകയാണ്.
Read Also: പിങ്ക് പോലീസ് പരസ്യവിചാരണ; സർക്കാർ അപ്പീൽ ഇന്ന് ഹൈക്കോടതിയിൽ