ന്യൂഡെൽഹി: തുടർച്ചയായ നാലാമത്തെ ദിവസവും രാജ്യത്ത് പെട്രോളിനും ഡീസലിനും വില വർധിപ്പിച്ചു. പെട്രോളിന് 7 പൈസയും ഡീസലിന് 18 പൈസയുമാണ് വർധിപ്പിച്ചത്.
രണ്ടുമാസത്തെ ഇടവേളക്ക് ശേഷം കഴിഞ്ഞ വെള്ളിയാഴ്‌ചയാണ് വീണ്ടും പെട്രോളിനും ഡീസലിനും വില വർധിപ്പിക്കാൻ തുടങ്ങിയത്. കഴിഞ്ഞ 4 ദിവസം കൊണ്ട് പെട്രോളിന് 46 പൈസയും ഡീസലിനും 79 പൈസയുമാണ് കൂട്ടിയത്. പെട്രോൾ വില വർധിപ്പിക്കുന്നത് സെപ്റ്റംബർ 22 മുതൽ നിർത്തി വെച്ചിരിക്കുകയായിരുന്നു. ഒക്‌ടോബർ 2 മുതൽ ഡീസലിന്റെ വിലയും വർധിപ്പിച്ചിട്ടില്ലായിരുന്നു.
ഒരു ലിറ്റർ പെട്രോളിന് കോഴിക്കോട് 81.93 രൂപയും ഡീസലിന് 75.42 രൂപയുമാണ് നിലവിലെ വില. മുംബൈയിൽ പെട്രോൾ ഒരു ലിറ്ററിന് 88.23 രൂപയും ഡീസലിന് 77.73 രൂപയുമാണ് നിലവിലെ നിരക്ക്.
Read also: ചെമ്പന്‍ വിനോദും മംമ്തയും എത്തുന്ന ‘അണ്‍ലോക്ക്’; ഫസ്‌റ്റ് ലുക്ക് പോസ്‌റ്റ്ര്‍
