മസ്കറ്റ്: ഒമാനില് കാണാതായ പ്രവാസിയെ കണ്ടെത്താന് പൊതുജനങ്ങളുടെ സഹായം തേടി റോയല് ഒമാന് പോലീസ്. കഴിഞ്ഞയാഴ്ച മുതല് കാണാതായ ജെയിംസ് കോളോമ ഡൊമിൻഗോ എന്ന ഫിലിപ്പൈന്സ് സ്വദേശിയെ കണ്ടെത്താനാണ് പോലീസ് ജനങ്ങളുടെ സഹായം തേടിയത്.
ബാത്തിന ഗവര്ണറേറ്റിലെ ലിവാ വിലായത്തിൽ നിന്നുമാണ് 59 വയസുകാരനായ ജെയിംസ് കോളോമയെ കാണാതാകുന്നത്. ഓഗസ്റ്റ് ഏഴിന് പുറത്തുപോയതിന് ശേഷം പിന്നീട് മടങ്ങിയെത്തിയില്ല എന്നാണ് പോലീസിന്റെ അറിയിപ്പിൽ പറയുന്നത്.
ഇയാളെപ്പറ്റി എന്തെങ്കിലും വിവരം ലഭിക്കുന്നവർ അടുത്തുള്ള പോലീസ് സ്റ്റേഷനിലോ 9999 എന്ന നമ്പറിലോ ബന്ധപ്പെടണമെന്ന് റോയൽ ഒമാൻ പോലീസ് അറിയിച്ചു.
Most Read: കോവിഡും വാക്സിനും രക്തദാനവും; അറിയേണ്ടതെല്ലാം