പാലക്കാട്: ജല സ്രോതസുകൾ സംരക്ഷിക്കുക വഴി വരും തലമുറകൾക്കും സർവ ജീവ ജാലങ്ങൾക്കും നാം കാത്തു സൂക്ഷിക്കുന്നത് അവർക്കുള്ള ജീവാമൃതാണന്ന് കേരള മുസ്‌ലിം ജമാഅത്ത് ജില്ലാ പ്രസിഡണ്ട് ഷൗക്കത്ത് ഹാജി.
‘ജലമാണ് ജീവൻ’ എന്ന പ്രമേയത്തിൽ മാർച്ച് 21ന് എസ്‌വൈഎസ്‌ ആരംഭിച്ച ജല സംരക്ഷണ ക്യാംപയിനിന്റെ ഭാഗമായി കോങ്ങാട് സോൺ സംഘടിപ്പിച്ച കാരാകുറുശ്ശി കോരങ്കടവ് പുഴ ശുചീകരണം ഉൽഘാടനം ചെയ്‌ത് സംസാരിക്കുകയായിരുന്നു ഇദ്ദേഹം.
നമ്മുടെ പൂർവികർ മത സൗഹാർദ്ദത്തിലും മനുഷ്യത്വത്തിലും ജീവിച്ചതിനാലും മണ്ണിനോടും മറ്റു ജീവജലങ്ങളോടും സഹവർത്തിച്ചു വന്ന രീതിയുടെയും അനുകമ്പയുടെയും ഫലമാണ് ജല സംഭരണികൾ അടക്കം ഇന്ന് നാം അനുഭവിച്ചു വരുന്ന അനുഗ്രഹങ്ങൾ മുഴുവനും എന്നും അത്തരത്തിൽ നൻമ നിറഞ്ഞ പ്രവർത്തനങ്ങളാണ് എസ്‌വൈഎസ്‌ രാജ്യമെമ്പാടും ലോകത്തിന്റെ വിവിധ രാഷ്ട്രങ്ങളിലും കാഴ്ച്ചവെച്ചു കൊണ്ടിരിക്കുന്നത് എന്നും ഇദ്ദേഹം കൂട്ടി ചേർത്തു.
ഉൽഘാടന ചടങ്ങിലും തുടർന്ന് നടന്ന ശുചീകരണ യജ്‌ഞത്തിലും വിവിധ സാമൂഹിക സാംസ്‌കാരിക രാഷ്‌ട്രീയ നേതാക്കളും എസ്‌വൈഎസ്‌ കോങ്ങാട് സോൺ നേതാക്കളും പ്രവർത്തകരും പങ്കെടുത്തു. മെയ് 31നാണ് ക്യാംപയിൻ അവസാനിക്കുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
