തിരുവനന്തപുരം: സംസ്ഥാനത്ത് നിപ വൈറസ് വീണ്ടും റിപ്പോർട് ചെയ്ത സാഹചര്യത്തിൽ ഈ മാസം 18നും 25നും നടത്താനിരുന്ന പിഎസ്സി പരീക്ഷകൾ മാറ്റിവെച്ചു. ഒക്ടോബർ 23, 30 തീയതികളിലേക്കാണ് പരീക്ഷ മാറ്റിയത്.
ബിരുദം അടിസ്ഥാന യോഗ്യതയാക്കിയുള്ള പ്രാഥമിക പരീക്ഷകൾക്കാണ് മാറ്റം. സെപ്റ്റംബർ 7ന് നടത്താനിരുന്ന കോളേജ് വിദ്യാഭ്യാസ വകുപ്പിലെ അറബിക് അസിസ്റ്റന്റ് പ്രൊഫസർ തസ്തികയുടെ വിവരണാത്മക പരീക്ഷയും ഒക്ടോബർ 6ലേക്ക് മാറ്റിയിട്ടുണ്ട്. നിപ മൂലം കോഴിക്കോട്, കണ്ണൂർ, മലപ്പുറം ജില്ലകളിൽ അതീവ ജാഗ്രത പ്രഖ്യാപിച്ച സാഹചര്യത്തിലാണ് മാറ്റം.
Also Read: കൊച്ചിയിലും സ്വകാര്യ സുരക്ഷാ ജീവനക്കാരില് നിന്ന് തോക്കുകള് പിടികൂടി