എസ്‌വൈഎസ്‌ റമളാൻ ക്യാംപയിൻ മലപ്പുറം വെസ്‌റ്റ് ജില്ലാതല ഉൽഘാടനം ബഷീറലി ശിഹാബ് തങ്ങൾ നിർവഹിക്കുന്നു
ചെമ്മാട്: മനുഷ്യ സമൂഹത്തിന് ആത്‌മീയമായും ആരോഗ്യപരമായും ഔന്നിത്യം പ്രാപിക്കുവാന്‍ വേണ്ടി അല്ലാഹു നല്‍കുന്ന അനുഗ്രഹീത അവസരമാണ് റമളാനെന്ന് പാണക്കാട് സയ്യിദ് ബശീറലി ശിഹാബ് തങ്ങൾ പറഞ്ഞു.
‘ആത്‌മാന്വേഷണത്തിന്റെ റമളാന്‍’ എന്ന പ്രമേയത്തില്‍ സുന്നി യുവജന സംഘം ആചരിക്കുന്ന റമളാന്‍ ക്യാംപയിനിന്റെ മലപ്പുറം വെസ്‌റ്റ് ജില്ലാതല ഉൽഘാടനം, ചെമ്മാട് ദാറുൽ ഹുദാ ഇസ്‌ലാമിക് യൂണിവേഴ്‌സിറ്റിയിൽ നിർവഹിച്ച് സംസാരിക്കുകയായിരുന്നു ഇദ്ദേഹം.
റമളാനിനെ ഫലവത്തായി ഉപയോഗപ്പെടുത്തി അല്ലാഹുവിന്റെ സാമീപ്യവും ആത്‌മീയമായ ഉണര്‍വും ശാരീരികമായ ആരോഗ്യവും നേടുക എന്നത് ഓരോ വിശ്വാസിയുടെയും ബാധ്യതയാണ്. അതിന് ഉപകരിക്കുന്ന ക്യാംപയിൻ പദ്ധതികളാണ് സുന്നി യുവജന സംഘം ആവിഷ്‌കരിച്ചിട്ടുള്ളത്; തങ്ങൾ പറഞ്ഞു.
ജില്ലാ പ്രസിഡണ്ട് സിഎച്ച് ത്വയ്യിബ് ഫൈസി അധ്യക്ഷനായ ചടങ്ങിൽ സയ്യിദ് ഹുസൈൻ തങ്ങൾ ജമലുല്ലൈലി പ്രാർഥനക്ക് നേതൃത്വം നൽകി. ജനറൽ സെക്രട്ടറി സയ്യിദ് കെകെഎസ് തങ്ങൾ വെട്ടിച്ചിറ ആമുഖ പ്രഭാഷണവും സ്വലാഹുദ്ധീൻ ഫൈസി വെന്നിയൂർ പ്രമേയ പ്രഭാഷണവും നിർവഹിച്ചു.
പാണക്കാട് സയ്യിദ് അബ്‌ദുറഷീദലി ശിഹാബ് തങ്ങൾ, കാടാമ്പുഴ മൂസ ഹാജി, അബ്‌ദുൽ ഖാദർ അൽ ഖാസിമി, മുഹമ്മദ് ഇസ്ഹാഖ് ബാഖവി, അനീസ് ഫൈസി മാവണ്ടിയൂർ, സയ്യിദ് കുഞ്ഞിമോൻ തങ്ങൾ, പികെ മുഹമ്മദ് ഹാജി, എൻ കുഞ്ഞിപ്പോക്കർ എന്നിവർ പ്രസംഗിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
