പാലക്കാട് : ജില്ലയിലെ പട്ടാമ്പിയിലുള്ള സ്വകാര്യ ആശുപത്രിയിൽ മൃതദേഹത്തോട് അനാദരവ് കാണിച്ചെന്ന് പരാതി. പട്ടാമ്പിയിലുള്ള സേവന ആശുപത്രിയിലെ മോർച്ചറിയിൽ സൂക്ഷിച്ചിരുന്ന മൃതദേഹം എലി കരണ്ടിയ നിലയിൽ കണ്ടെത്തി. ഇതോടെയാണ് പ്രശ്‌നങ്ങൾക്ക് തുടക്കമായത്.
കഴിഞ്ഞ ദിവസമാണ് ഒറ്റപ്പാലം മനിശ്ശേരി കുന്നുംപുറം ലക്ഷം വീട് കോളനിയിൽ സുന്ദരി(65)യുടെ മൃതദേഹം എലി കരണ്ടിയ നിലയിൽ കണ്ടെത്തിയത്. മൃതദേഹത്തിന്റെ മൂക്കും കവിളും എലി കടിച്ചു മുറിച്ച നിലയിലാണുള്ളത്. ഇതിനെ തുടർന്നാണ് പരാതിയുമായി ബന്ധുക്കൾ രംഗത്തെത്തിയത്.
കൂടാതെ സംഭവവുമായി ബന്ധപ്പെട്ട് ആശുപത്രി അധികൃതർ ഇതുവരെ കൃത്യമായ വിശദീകരണം നൽകിയിട്ടില്ലെന്നാണ് സുന്ദരിയുടെ ബന്ധുക്കൾ വ്യക്‌തമാക്കുന്നത്‌. ഈ സാഹചര്യത്തിൽ പരാതിയുമായി പോലീസിൽ സമീപിക്കാനാണ് ബന്ധുക്കളുടെ തീരുമാനം.
Read also : ദീർഘകാല കാത്തിരിപ്പിന് വിരാമം; തടിയൻവളപ്പ് പാലം പണി അവസാന ഘട്ടത്തിൽ
