മുംബൈ: പണപ്പെരുപ്പ ഭീഷണി നിലനിൽക്കുമ്പോഴും ഇത്തവണയും നിരക്കുകളിൽ മാറ്റം വരുത്തേണ്ടെന്ന് ആർബിഐ പണവായ്‌പ നയ അവലോകന യോഗം തീരുമാനിച്ചു. ഇതോടെ റിപ്പോ നിരക്ക് നാല് ശതമാനത്തിലും റിവേഴ്‌സ്‌ റിപ്പോ നിരക്ക് 3.35 ശതമാനത്തിലും തുടരും.
നേരത്തെ കോവിഡിന്റെ ആഘാതത്തെ ചെറുക്കാൻ പ്രഖ്യാപിച്ച ആശ്വാസ നടപടികളിൽനിന്ന് ഘട്ടംഘട്ടമായി പിൻമാറുകയാണെന്ന സൂചന പുറത്തു വന്നിരുന്നു. എന്നാൽ ഈ ആശങ്കകളെല്ലാം അസ്‌ഥാനത്താക്കിയാണ് നിരക്കുകളിൽ ഇത്തവണയും മാറ്റംവരുത്തേണ്ടെന്ന തീരുമാനത്തിൽ ആർബിഐ എത്തിയത്.
ഒമൈക്രോൺ വ്യാപനം ലോകത്തെയാകെ വീണ്ടും പ്രതിസന്ധിയിൽ ആക്കിയതായി ആർബിഐ ഗവർണർ ശക്‌തികാന്ത ദാസ് ചൂണ്ടിക്കാട്ടി. 2022-23 സാമ്പത്തിക വർഷത്തിൽ പ്രതീക്ഷിക്കുന്ന വളർച്ച (ജിഡിപി) 7.8 ശതമാനമാണെന്നും ഗവർണർ വാർത്താ സമ്മേളനത്തിൽ വ്യക്‌തമാക്കി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
