കൊച്ചി: സംസ്‌ഥാനത്ത്‌ സ്വർണവിലയിൽ വലിയ ഇടിവ്. 120 രൂപയാണ് വെള്ളിയാഴ്‌ച കുറഞ്ഞത്. ഇതോടെ സ്വർണവില പവന് 34,600 രൂപയായി. 4,325 രൂപയാണ് ഗ്രാമിന്റെ വില. 34,720 രൂപയായിരുന്നു കഴിഞ്ഞ ദിവസം സ്വർണത്തിന്റെ വില.
ആഗോള വിപണിയിൽ സ്‌പോട് ഗോൾഡ് വില ഔൺസിന് 1,770.15 ഡോളറിലെത്തി. യുഎസ് ട്രഷറി യീൽഡ് വർധിച്ചതാണ് സ്വർണവിലയെ ബാധിച്ചത്. അതേസമയം, യുഎസ് ഗോൾഡ് ഫ്യൂച്ചേഴ്‌സ്‌ 0.5 ശതമാനം താഴ്ന്ന് 1,767.10 ഡോളർ നിലവാരത്തിലുമെത്തി. രാജ്യത്തെ കമ്മോഡിറ്റി വിപണിയായ എംസിഎക്‌സിൽ 10 ഗ്രാം 24 കാരറ്റ് സ്വർണത്തിന്റെ വില 0.12 ശതമാനം ഉയർന്ന് 46,297 രൂപയായി.
Read also: തിയേറ്റർ പ്രതിസന്ധി; സെക്കൻഡ് ഷോ അനുവദിക്കണം; മുഖ്യമന്ത്രിക്ക് കത്ത്
