ന്യൂഡെൽഹി: ഡെൽഹി കലാപക്കേസിൽ ഗൂഢാലോചന കുറ്റം ചുമത്തി അറസ്‌റ്റ് ചെയ്‌ത ജെഎൻയു മുൻ വിദ്യാർഥി നേതാവ് ഉമർ ഖാലിദിനെ യുഎപിഎ പ്രകാരം കുറ്റവിചാരണ ചെയ്യാൻ അനുമതി നൽകി അരവിന്ദ് കെജരിവാളിന്റെ നേതൃത്വത്തിലുള്ള ആംആദ്‌മി സർക്കാർ. ഡെൽഹി കലാപവുമായി ബന്ധപ്പെട്ട് രജിസ്‌റ്റർ ചെയ്‌ത എല്ലാ കേസുകളിലും വിചാരണ നടത്താൻ അനുമതി നൽകിയിട്ടുണ്ടെന്നും കുറ്റവാളി ആരാണെന്ന് പറയേണ്ടത് കോടതിയാണെന്നും സർക്കാർ പറഞ്ഞു.
ഡെൽഹി കലാപ ഗൂഢാലോചന കേസുമായി ബന്ധപ്പെട്ട് ഖാലിദിനെ കുറ്റവിചാരണ ചെയ്യാൻ ഡെൽഹി സർക്കാരിൽ നിന്നും കേന്ദ്ര ആഭ്യന്തര മന്ത്രാലയത്തിൽ നിന്നും പോലീസിന് അനുമതി ലഭിച്ചിട്ടുണ്ടെന്ന് മുതിർന്ന പോലീസ് ഉദ്യോഗസ്‌ഥൻ പറഞ്ഞു. രണ്ടാഴ്‌ച മുമ്പാണ് ഖാലിദിനെ കുറ്റവിചാരണ ചെയ്യാനുള്ള അനുമതി ലഭിച്ചതെന്നും ഡെൽഹി പോലീസിന് ഇനി അവരുടെ അനുബന്ധ കുറ്റപത്രത്തിൽ ഖാലിദിന്റെ പേര് ഉൾപ്പെടുത്താമെന്നും പോലീസ് പറയുന്നു.
“യു‌എ‌പി‌എയുടെ 13ആം വകുപ്പ് പ്രകാരം ഒരാളെ പ്രോസിക്യൂട്ട് ചെയ്യുന്നതിന്, ഞങ്ങൾക്ക് കേന്ദ്ര ആഭ്യന്തര മന്ത്രാലയത്തിന്റെ അനുമതി ആവശ്യമാണ്. യു‌എ‌പി‌എയുടെ 16,17, 18 വകുപ്പുകൾ പ്രകാരമുള്ള കുറ്റവിചാരണക്ക് ഡെൽഹി സർക്കാരിൽ നിന്നും ഞങ്ങൾക്ക് അനുമതി ലഭിച്ചു, ”- മുതിർന്ന പോലീസ് ഉദ്യോഗസ്‌ഥൻ പറഞ്ഞു.
ഉമർ ഖാലിദിനെ കൂടാതെ ആർജെഡി യൂത്ത് വിങ് പ്രസിഡണ്ട് മീരാൻ ഹൈദർ, ജെസിസി മീഡിയ കോർഡിനേറ്റർ സഫൂറ സർഗർ, ഡെൽഹി ഭജൻപുര സ്വദേശി ഡാനിഷ് എന്നിവരെയാണ് പോലീസ് യുഎപിഎ ചുമത്തി അറസ്‌റ്റ് ചെയ്‌തിരിക്കുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
