ന്യൂ ഡെല്ഹി: ബോളിവുഡ് നടി റിയ ചക്രബര്ത്തിയുടെ ജുഡീഷ്യല് കസ്റ്റഡി ഇന്ന് അവസാനിക്കും. നാർക്കോട്ടിക്സ് കണ്ട്രോള് ബ്യൂറോ (എന്സിബി) യുടെ അറസ്റ്റിനു ശേഷം 14 ദിവസത്തെ ജുഡീഷ്യല് കസ്റ്റഡിയില് വിട്ടിരുന്നു. സുശാന്ത് സിംഗ് രാജ് പുതിന്റെ മരണവുമായി ബന്ധപ്പെട്ട ലഹരി മരുന്ന് കേസിലാണ് റിയ ചക്രബര്ത്തി പിടിയിലായത്.
ജാമ്യത്തിലിറങ്ങിയാല് സാക്ഷികളെ സ്വാധീനിക്കാനും തെളിവുകള് നശിപ്പിക്കാനുമുള്ള സാധ്യത മുന്നില്കണ്ട് പ്രത്യേക കോടതി റിയ ചക്രബര്ത്തിക്ക് ജാമ്യം നിഷേധിച്ചിരുന്നു. താന് നിരപരാധിയാണെന്നും മനപൂര്വം പ്രതി ചേര്ത്തതാണെന്നുമാണ് തന്റെ ജാമ്യാപേക്ഷയില് റിയ പറഞ്ഞത്. റിയ ചക്രബര്ത്തിയെ കൂടാതെ സഹോദരന് ഷോവിക് ചക്രബര്ത്തി, സുശാന്തിന്റെ മാനേജര് സാമുവല് മിറാന്ഡ തുടങ്ങിയവരും അറസ്റ്റിലായിരുന്നു.
Read also: കാര്ഷിക ബില്ലില് ഒപ്പ് വെക്കരുതെന്ന് രാഷ്ട്രപതിക്ക് കത്തയച്ച് പ്രതിപക്ഷം