വെട്ടിച്ചിറ: മലപ്പുറം വെട്ടിച്ചിറയിൽ ഓടിക്കൊണ്ടിരുന്ന കാറിന് തീപിടിച്ച് അപകടം. കാർ പൂർണമായും കത്തിനശിച്ചു. ദേശീയ പാതയിൽ ചൊവ്വാഴ്‌ച വൈകുന്നേരമാണ് സംഭവം. കോട്ടക്കൽ ഭാഗത്ത് ആശുപത്രിയിലേക്ക് പോകുകയായിരുന്ന കാറാണ് കത്തിനശിച്ചത്. ഓടിക്കൊണ്ടിരിക്കുന്നതിനിടെ ബോണറ്റിൽ നിന്ന് പുക ഉയരുന്നതായി കണ്ടതിനെ തുടർന്ന് ഡ്രൈവർ കാർ റോഡരികിൽ നിർത്തുകയും കാറിലുള്ളവർ പുറത്തിറങ്ങുകയും ചെയ്‌തതിനാൽ വൻ ദുരന്തം ഒഴിവാക്കാനായി.
കാറിനുള്ളിൽ ഉണ്ടായിരുന്നവർ പുറത്തിറങ്ങിയതോടെ കാറിന് തീ പടർന്ന് പിടിക്കുകയായിരുന്നു. ടയർ ഉൾപ്പടെ കാർ പൂർണമായും കത്തിനശിച്ചു. സാങ്കേതിക തകരാറാണ് കാർ കത്തി നശിക്കാനിടയാക്കിയതെന്നാണ് പ്രാഥമിക നിഗമനം.
Read also: ആർബിഐയുടെ പുതിയ നിയമം ഉടൻ; ബിൽ പേയ്‌മെന്റുകൾ തടസപ്പെട്ടേക്കാം
