റിയാദ്: സൗദിയില് 173 പേര്ക്കുകൂടി കോവിഡ് സ്ഥിരീകരിച്ചു. 181 പേര് രോഗമുക്തി നേടിയപ്പോള് 24 മണിക്കൂറിനിടെ 4 കോവിഡ് മരണവും രാജ്യത്ത് റിപ്പോര്ട്ട് ചെയ്തു. സൗദിയിലെ രോഗമുക്തി നിരക്ക് 97.73 ശതമാനമായി ഉയര്ന്നതായി ആരോഗ്യ മന്ത്രാലയത്തിന്റെ കണക്കുകള് വ്യക്തമാക്കുന്നു.
രാജ്യത്ത് ഇതുവരെ 364,613 കോവിഡ് കേസുകളാണ് റിപ്പോര്ട് ചെയ്തത്. 356,382 പേര് രോഗമുക്തിയും നേടിയിട്ടുണ്ട്. അതേസമയം 6,313 പേര് കോവിഡ് മൂലം മരണപ്പെടുകയും ചെയ്തിട്ടുണ്ട്. രാജ്യത്ത് നിലവില് 1918 സജീവ കേസുകളാണുള്ളത്.
Read Also: കോവാക്സിന്; മൂന്നാം ഘട്ട പരീക്ഷണം അടുത്ത മാസം പൂര്ത്തിയാകുമെന്ന് ഭാരത് ബയോടെക്ക്
66 പേര്ക്ക് കോവിഡ് രോഗബാധ സ്ഥിരീകരിച്ച കിഴക്കന് പ്രവിശ്യയിലാണ് കഴിഞ്ഞ 24 മണിക്കൂറിനിടെ കൂടുതല് രോഗികളെ കണ്ടെത്തിയത്. നിലവില് സൗദിയിലെ ചെറുതും വലുതുമായ 206 പട്ടണങ്ങളാണ് കോവിഡിന്റെ പിടിയിലുള്ളത്.
മക്ക (43), കിഴക്കന് പ്രവശ്യ (32), മദീന (9), അല്ഖസീം (8), അസീര് (4) തുടങ്ങി സൗദിയിലെ ചെറുതും വലുതുമായ 46 നഗരങ്ങിലാണ് പുതിയ കേസുകള് റിപ്പോര്ട്ട് ചെയ്തത്. ഇവരില് 310 പേരുടെ നില ഗുരുതരമായി തുടരുകയാണ്.