മലപ്പുറം: മുസ്ലിംലീഗ് സംസ്ഥാന അധ്യക്ഷൻ ഹൈദരലി ശിഹാബ് തങ്ങളുടെ ആരോഗ്യനിലയിൽ ആശങ്കാജനകമായ സാഹചര്യങ്ങൾ ഇപ്പോൾ ഇല്ലെന്ന് ഡോക്ടർമാർ അറിയിച്ചതായി സഹോദരപുത്രനും മുസ്ലിം യൂത്ത് ലീഗ് സംസ്ഥാന അധ്യക്ഷനുമായ മുനവ്വറലി ശിഹാബ് തങ്ങൾ.
നിലവിൽ, എറണാകുളത്തെ ലിറ്റില് ഫ്ളവര് ആശുപത്രിയിലാണ് ഇദ്ദേഹം. വാർധക്യസഹജമായ ശാരീരിക പ്രശ്നങ്ങൾ മൂലം കഴിഞ്ഞ കുറച്ചു മാസങ്ങളായി ഇദ്ദേഹം ചികിൽസയിലാണ്. നേരത്തെ, കോഴിക്കോട് മിംസ് ആശുപത്രിയില് ചികില്സയിൽ ഉണ്ടായിരുന്നു. പിന്നീട്, ആയുര്വേദ ചികില്സക്കായി കോട്ടക്കൽ ആയുർവേദ ആശുപത്രിയിൽ എത്തിച്ചിരുന്നു. ആശ്വാസകരമായ പുരോഗതി ഇല്ലാത്തതിനാലാണ് എറണാകുളത്തേക്ക് മാറ്റിയത്.
‘പ്രിയപ്പെട്ട സയ്യിദ് ഹൈദരലി ശിഹാബ് തങ്ങൾ (എളാപ്പ) ആരോഗ്യ പ്രശ്നങ്ങളാലുള്ള തുടർ ചികിൽസാർഥം എറണാകുളത്തെ സ്വകാര്യ ആശുപത്രിയിലാണുള്ളത്. അദ്ദേഹത്തിന്റെ ആരോഗ്യസ്ഥിതിയിൽ ആശങ്കാജനകമായ സാഹചര്യങ്ങൾ ഇപ്പോൾ ഇല്ലെന്ന് ഡോക്ടർമാർ അറിയിച്ചിട്ടുണ്ട്. അൽഹംദുലില്ലാഹ്.’ എന്നിങ്ങനെയാണ് മുനവ്വറലി ശിഹാബ് തങ്ങൾ തന്റെ സാമൂഹിക മാദ്ധ്യമത്തിൽ കുറിച്ചത്.
Most Read: വാഹനങ്ങളുടെ തേഡ് പാർട്ടി ഇൻഷുറൻസ് പ്രീമിയം ഏപ്രിൽ മുതൽ വർധിക്കും