ശിഹാബ് തങ്ങള്‍ ഉറൂസും മുദര്‍രിസ് അവാര്‍ഡ് ദാനവും മാർച്ച് 20ന്

By Desk Reporter, Malabar News
Shihab Thangal Uroos
Representational Image (File Photo)

മലപ്പുറം: സുന്നി യുവജന സംഘം ഈസ്‌റ്റ് ജില്ലാകമ്മിറ്റി സംഘടിപ്പിക്കുന്ന പാണക്കാട് സയ്യിദ് മുഹമ്മദലി ശിഹാബ് തങ്ങള്‍ ഉറൂസ് മുബാറകും മികച്ച മുദര്‍രിസിനുള്ള ശിഹാബ് തങ്ങള്‍ അവാര്‍ഡ് ദാനവും മാർച്ച് 20ന് മലപ്പുറം കിടങ്ങഴിയില്‍ നടക്കും.

കാലത്ത് 8 മണിക്ക് നടക്കുന്ന പാണക്കാട് സിയാറത്തിന് സയ്യിദ് മുനവ്വറലി ശിഹാബ് തങ്ങള്‍ നേതൃത്വം നല്‍കും. തുടര്‍ന്ന് കിടങ്ങഴിയില്‍ നടക്കുന്ന അനുസ്‌മരണ സമ്മേളനത്തിന് മൗലിദ് പാരായണത്തോടെ തുടക്കമാകും. പാണക്കാട് സയ്യിദ് ഹൈദറലി ശിഹാബ് തങ്ങള്‍ ഉൽഘാടനം ചെയ്യും.

സമസ്‌ത കേരള ജംഇയ്യതുല്‍ ഉലമ ജനറല്‍ സെക്രട്ടറി ശൈഖുല്‍ ജാമിഅ കെ ആലിക്കുട്ടി മുസ്‌ലിയാര്‍ അധ്യക്ഷനാകും. എസ്‌വൈഎസ്‌ ജില്ലാ ജനറല്‍ സെക്രട്ടറി സലീം എടക്കര ആമുഖ പ്രഭാഷണം നിർവഹിക്കുന്ന ചടങ്ങിൽ എംപി അബ്‌ദുസ്സമദ്‌ സമദാനി മുഖ്യ പ്രഭാഷണം നടത്തും.

സയ്യിദ് ബശീറലി ശിഹാബ് തങ്ങള്‍, സയ്യിദ് ഹമീദ് അലി ശിഹാബ് തങ്ങള്‍ എന്നിവർ അനുഗ്രഹ പ്രഭാഷണം നടത്തും. എസ്‌വൈഎസ്‌ ജില്ലാ കമ്മിറ്റി മികച്ച മുദര്‍രിസിനു നല്‍കുന്ന ശിഹാബ് തങ്ങള്‍ അവാര്‍ഡ് കിടങ്ങഴി മുദര്‍രിസ് പാതിരമണ്ണ അബ്‌ദുറഹ്‌മാൻ ഫൈസിക്ക് സയ്യിദ് ഹൈദറലി ശിഹാബ് തങ്ങള്‍ സമ്മാനിക്കും.

സമസ്‌ത ജില്ലാ ജനറല്‍ സെക്രട്ടറി പുത്തനഴി മൊയ്‌തീൻ ഫൈസി, എസ്‌വൈഎസ്‌ സംസ്‌ഥാന വൈസ് പ്രസിഡണ്ട് കെഎ റഹ്‌മാൻ ഫൈസി കാവനൂര്‍, എസ്‌വൈഎസ്‌ ജില്ലാ ട്രഷറര്‍ അബ്‌ദുൽ ഖാദിര്‍ ഫൈസി കുന്നുംപുറം എന്നിവർ പ്രസംഗിക്കും. തുടര്‍ന്ന് 11 മണി മുതല്‍ എസ്‌വൈഎസ്‌ ജില്ലാ കൗണ്‍സില്‍ അംഗങ്ങള്‍ മാത്രം സംബന്ധിക്കുന്ന ക്യാംപ് നഗരിയില്‍ നടക്കും.

എസ്‌വൈഎസ്‌ സംസഥാന വൈസ് പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്‍ ക്യാംപ് ഉൽഘാടനം ചെയ്യും. എസ്‌വൈഎസ്‌ ജില്ലാ പ്രസിഡണ്ട് പാണക്കാട് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാകും. ജില്ലാ സെക്രട്ടറി ഫരീദ് കാളികവ് ആമുഖഭാഷണം നടത്തും.എസ്‌വൈഎസ്‌ സംസ്‌ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ മുഖ്യപ്രഭാഷണം നടത്തും.

ഹസന്‍ സഖാഫി പൂക്കോട്ടൂര്‍ പ്രവര്‍ത്തന റിപ്പോര്‍ട്ടും അബ്‌ദുൽ ഖാദിര്‍ ഫൈസി കുന്നുംപുറം സാമ്പത്തിക റിപ്പോര്‍ട്ടും അവതരിപ്പിക്കും. സംസ്‌ഥാന പ്രതിനിധി കൊടക് അബ്‌ദുറഹ്‌മാൻ മുസ്‌ലിയാർ പ്രസംഗിക്കും.

‘സംഘാടകന്‍: ആദര്‍ശം, ആത്‌മീയത’ എന്ന വിഷയത്തിൽ സമസ്‌ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എംടി അബ്‌ദുല്ല മുസ്‌ലിയാര്‍, ‘ശാസ്‌ത്രീയ സംഘാടനം’ എന്ന വിഷയത്തിൽ എസ്‌വൈഎസ്‌ സംസ്‌ഥാന സെക്രട്ടറി അബ്‌ദുസ്സമദ്‌ പൂക്കോട്ടൂര്‍, ‘നേതൃഗുണം, പ്രതിബദ്ധത’ എന്ന വിഷയത്തിൽ ഡോ. സാലിം ഫൈസി കൊളത്തൂര്‍ എന്നിവർ സംസാരിക്കും. ചതുര്‍മാസ കർമ പദ്ധതി എസ്‌വൈഎസ്‌ ജില്ലാ സെക്രട്ടറി ഹംസ റഹ്‌മാനി കൊണ്ടിപറമ്പ് അവതരിപ്പിക്കും.

പൂർണ്ണ വായനയ്ക്ക്

Most Read: ജീൻസ്‌ ധരിക്കുന്ന സ്‌ത്രീകൾ നൽകുന്ന സന്ദേശമെന്താണ്; ഉത്തരാഖണ്ഡ് മുഖ്യമന്ത്രി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE