കൊച്ചി : എറണാകുളത്തേക്ക് ഹൈക്കോടതി ജീവനക്കാർക്കായി പ്രത്യേക സർവീസുകൾ ആരംഭിക്കാൻ തീരുമാനിച്ച് കെഎസ്ആർടിസി. ഇന്ന് മുതലാണ് സർവീസുകൾ ആരംഭിക്കുന്നത്. ഇതിന്റെ ഭാഗമായി ചങ്ങനാശേരി, വണ്ടാനം, മൂവാറ്റുപുഴ, അങ്കമാലി, കോതമംഗലം എന്നിവിടങ്ങളിൽ നിന്ന് സർവീസുകൾ ഉണ്ടായിരിക്കും.
ചങ്ങനാശേരിയിൽ നിന്നും ഇന്ന് രാവിലെ 7.05ന് ആദ്യ സർവീസ് പുറപ്പെടും. ഇത് 9.50 ആകുമ്പോഴേക്കും ഹൈക്കോടതി ജംഗ്ഷനിലെത്തും. കോട്ടയം, ഏറ്റുമാനൂർ, തലയോലപ്പറമ്പ് വഴിയായിയിരിക്കും ഇത് സർവീസ് നടത്തുക. ലോക്ക്ഡൗൺ നിലനിൽക്കുന്നതിനാൽ ജീവനക്കാർക്ക് യാത്ര ചെയ്യുന്നതിനുള്ള ബുദ്ധിമുട്ട് ഒഴിവാക്കുന്നതിനായി, ഹൈക്കോടതി രജിസ്ട്രാറുടെ ആവശ്യപ്രകാരമാണ് സർവീസ് ആരംഭിക്കാൻ കെഎസ്ആർടിസി എംഡി ബിജു പ്രഭാകർ നിർദേശം നൽകിയത്.
ഹൈക്കോടതി ജീവനക്കാർക്ക് പുറമേ അവശ്യ സർവീസിൽ ജോലി ചെയ്യുന്ന മറ്റ് ജീവനക്കാർക്കും സർവീസുകൾ പ്രയോജനപ്പെടുത്താം. ആലുവ–അമ്പലമുകൾ, ചേർത്തല– ഏലൂർ, വൈക്കം–ഏലൂർ എന്നിങ്ങനെ വ്യവസായ മേഖലകളെ ബന്ധിപ്പിച്ചുള്ള സർവീസുകളും ഇന്ന് മുതൽ ഉണ്ടാകും.
Read also : ലോക്ക്ഡൗൺ; വ്യാജ പ്രചാരണങ്ങള്ക്ക് എതിരെ നടപടിയെന്ന് കണ്ണൂർ ജില്ലാ കലക്ടര്