തിരുവനന്തപുരം: സംസ്ഥാന കായികോൽസവത്തിൽ പാലക്കാടൻ കുതിപ്പ് തുടരുന്നു. പാലക്കാടിന്റെ ജി താരയും പി അഭിറാമുമാണ് വേഗതാരങ്ങൾ. സീനിയർ ആൺകുട്ടികളുടെ 100 മീറ്ററിൽ പി അഭിറാം സ്വർണം നേടി. 11.10 സെക്കൻഡുകളാണ് അഭിറാം ഇതിനായി എടുത്തത്. സ്കൂൾ കായികോൽസവത്തിൽ ഇത് അഭിറാമിന്റെ രണ്ടാം സ്വർണമാണ്. 400 മീറ്ററിൽ മീറ്റ് റെക്കോർഡോടെ അഭിറാം സ്വർണം നേടിയിരുന്നു.
സീനിയർ പെൺകുട്ടികളുടെ 100 മീറ്ററിൽ പാലക്കാടിന്റെയും കേരളത്തിന്റെ തന്നെയും താരമായി മാറിയത് ജി താരയാണ്. 12.35 സെക്കൻഡുകൾ മാത്രമാണ് താര ഇതിനായി എടുത്തത്. 100 മീറ്ററിൽ തുടർച്ചയായ മൂന്നാം തവണയാണ് ജി താര സ്വർണം നേടുന്നത്. കായികോൽസവത്തിൽ പാലക്കാടൻ കുതിപ്പാണ് ദൃശ്യമാകുന്നത്. 79 പോയിന്റുകളോടെ പാലക്കാട് മുന്നേറ്റം തുടരുകയാണ്. ഒമ്പത് സ്വർണവും പത്ത് വെള്ളിയും നാല് വെങ്കലവുമാണ് പാലക്കാട് ഇതുവരെ നേടിയത്. 59 പോയിന്റുമായി മലപ്പുറം തൊട്ടുപിറകിലുണ്ട്. 45 പോയിന്റുമായി എറണാകുളം ജില്ലയാണ് മൂന്നാമതുള്ളത്.
Most Read| ‘സാധാരണക്കാർക്ക് ജീവഹാനി സംഭവിക്കുന്നത് ഗൗരവമേറിയത്’; അനുശോചിച്ചു പ്രധാനമന്ത്രി