വിദ്യാർഥിനിയുടെ മരണം; തൃണമൂൽ നേതാവിന്റെ മകൻ അറസ്‌റ്റിൽ

By News Desk, Malabar News
government vehicle used for gang rape in Hyderabad
Representational Image
Ajwa Travels

കൊൽക്കത്ത: പശ്‌ചിമ ബംഗാളിൽ കൂട്ടബലാൽസംഗത്തിന് ഇരയായി ഒൻപതാം ക്‌ളാസ്‌ വിദ്യാർഥിനി മരിച്ച സംഭവത്തിൽ പഞ്ചായത്ത് അംഗമായ തൃണമൂൽ കോൺഗ്രസ് നേതാവിന്റെ മകന് നേരെ ആരോപണവുമായി കുടുംബം. തൃണമൂൽ നേതാവിന്റെ മകനാണ് മുഖ്യപ്രതിയെന്നും ഇയാളുടെ ജൻമദിനാഘോഷ പരിപാടിക്കിടെയാണ് പെൺകുട്ടി പീഡനത്തിന് ഇരയായതെന്നും കുടുംബം ആരോപിച്ചു.

സംഭവം വിവാദമായതോടെ ഇയാളെ പോലീസ് അറസ്‌റ്റ്‌ ചെയ്‌തിട്ടുണ്ട്‌. കേസിൽ വിശദമായ അന്വേഷണം തുടരുകയാണെന്നും പോലീസ് അറിയിച്ചു. ശനിയാഴ്‌ചയാണ് തൃണമൂൽ നേതാവിന്റെ മകനെതിരെ പെൺകുട്ടിയുടെ കുടുംബം പോലീസിൽ പരാതി നൽകിയത്. കഴിഞ്ഞ തിങ്കളാഴ്‌ച ഇയാളുടെ ജൻമദിനാഘോഷത്തിൽ പങ്കെടുക്കാനായി പെൺകുട്ടി തൃണമൂൽ നേതാവിന്റെ വീട്ടിൽ പോയിരുന്നു. എന്നാൽ, അവശനിലയിലാണ് പെൺകുട്ടി തിരിച്ച് വീട്ടിലെത്തിയത്.

ആശുപത്രിയിൽ എത്തിക്കും മുൻപ് മരിച്ചെന്നും പരാതിയിൽ പറയുന്നു. അമിതമായ രക്‌തസ്രാവമാണ് മരണകാരണം. തൃണമൂൽ നേതാവിന്റെ മകനും സുഹൃത്തുക്കളും ചേർന്നാണ് പെൺകുട്ടിയെ ബലാൽസംഗം ചെയ്‌തതെന്നാണ്‌ കുടുംബത്തിന്റെ ആരോപണം. പോസ്‌റ്റുമോർട്ടം നടത്താതെ മൃതദേഹം സംസ്‌കരിക്കാൻ ഒരു കൂട്ടം ആളുകൾ തിരക്ക് കൂട്ടിയെന്നും ഇവർ ബലം പ്രയോഗിച്ച് മൃതദേഹം കൊണ്ടുപോയി സാംസ്‌കരിച്ചെന്നും അമ്മ ആരോപിക്കുന്നുണ്ട്.

സംഭവത്തിൽ പ്രതിഷേധിച്ച് ബിജെപി തിങ്കളാഴ്‌ച 12 മണിക്കൂർ ബന്ദിന് ആഹ്വാനം ചെയ്‌തിട്ടുണ്ട്‌. ഹൻസ്‌ഖാളി മേഖലയിലാണ് ബിജെപി ബന്ദ് ആചരിക്കുന്നത്. അതേസമയം, സംഭവത്തിൽ രാഷ്‌ട്രീയമില്ലെന്നും അന്വേഷിച്ച് നടപടിയെടുക്കാൻ പോലീസ് സാധ്യമായതെല്ലാം ചെയ്യുമെന്നും വനിതാ ശിശുവികസന വകുപ്പ് മന്ത്രി സാഷി പഞ്ച മാദ്ധ്യമങ്ങളോട് പറഞ്ഞു.

Most Read: മനുഷ്യന്റേത് പോലുള്ള ചുണ്ടുകൾ, ഒന്നര മീറ്റർ നീളം; അപൂർവ ജീവി തീരത്തടിഞ്ഞു

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE