കൊച്ചി: സ്വര്ണക്കടത്ത് കേസ് മുഖ്യപ്രതി സ്വപ്ന സുരേഷിന് വ്യജ ബിരുദ സര്ട്ടിഫിക്കറ്റ് നല്കിയത് പഞ്ചാബിലെ ദേവ് എഡ്യൂക്കേഷന് ട്രസ്റ്റ് എന്ന സ്ഥാപനമെന്ന് പൊലീസ്. വ്യാജ ബികോം സര്ട്ടിഫിക്കറ്റാണ് സ്വപ്നക്ക് നല്കിയത്. തിരുവനന്തപുരം തൈക്കാടുള്ള വിദ്യാഭ്യാസ കണ്സള്ട്ടന്സി സ്ഥാപനമാണ് ഇടനിലക്കാരായി പ്രവര്ത്തിച്ചതെന്നും പൊലീസ് പറഞ്ഞു.
മുംബൈയിലെ ഡോ ബാബ സാഹിബ് സര്വകലാശാലയുടെ ഡിഗ്രി സര്ട്ടിഫിക്കറ്റാണ് ഇവര് 2017ല് സ്വപ്നക്ക് വ്യാജമായി നിര്മിച്ചു നല്കിയത്. ഈ സര്ട്ടിഫിക്കറ്റ് ഉപയോഗിച്ചാണ് സ്വപ്ന സ്പേസ് പാര്ക്കില് ജോലി നേടിയതെന്നും വിവരമുണ്ട്. വ്യാജ സര്ട്ടിഫിക്കറ്റ് സ്വന്തമാക്കാന് ഒരു ലക്ഷത്തോളം രൂപയാണ് സ്വപ്ന ചെലവഴിച്ചത്.
Read also: നോമ്പ് കാലത്ത് നിയമസഭാ തിരഞ്ഞെടുപ്പ് നടത്തരുതെന്ന് മുസ്ലിം ലീഗ്