മികച്ച മുദര്‍രിസിനുള്ള അവാര്‍ഡ് പാതിരമണ്ണ അബ്‌ദുറഹ്‌മാൻ ഫൈസി, പാണക്കാട് സയ്യിദ് ഹൈദറലി ശിഹാബ് തങ്ങളിൽ നിന്ന് സ്വീകരിക്കുന്നു
മലപ്പുറം:2009ൽ മരണപ്പെട്ട പാണക്കാട് സയ്യിദ് മുഹമ്മദലി ശിഹാബ് തങ്ങളുടെ സ്‌മരണാർഥം എല്ലാ വർഷവും നടത്തിവരുന്ന ഉറൂസ് മുബാറക് ഭക്‌തിസാന്ദ്രമായി അവസാനിച്ചു. പ്രമുഖ പണ്ഡിതരും പ്രവർത്തകരും വിശ്വാസികളും പങ്കെടുത്ത 12ആമത് ഉറൂസ് മുബാറക് വൈകിട്ട് നടന്ന അന്നദാനത്തോടെയാണ് പൂർണമായത്.
സുന്നി യുവജന സംഘം മലപ്പുറം ഈസ്‌റ്റ് ജില്ലാ കമ്മിറ്റിയുടെ കീഴിലാണ് സംഘടിപ്പിച്ചത്. കാലത്ത് 8 മണിയോടെ പാണക്കാട് മഖാമില്‍ നടന്ന കൂട്ട സിയാറത്തിന് സയ്യിദ് മുനവ്വറലി ശിഹാബ് തങ്ങള്‍ നേതൃത്വം നല്‍കി. മഞ്ചേരി കിടങ്ങഴിയിലെ ‘ശിഹാബ് തങ്ങള്‍’ നഗറിലൊരുക്കിയ അനുസ്‌മരണ സദസ് പാണക്കാട് സയ്യിദ് ഹൈദറലി ശിഹാബ് തങ്ങള്‍ ഉൽഘാടനം നിർവഹിച്ചു.
സമസ്‌ത കേരള ജംഇയ്യതുല്‍ ഉലമ ജനറല്‍ സെക്രട്ടറി ശൈഖുല്‍ ജാമിഅ കെ ആലിക്കുട്ടി മുസ്‌ലിയാര്‍ അധ്യക്ഷനായ ചടങ്ങിൽ ആമുഖ പ്രഭാഷണം നടത്തിയത് എസ്വൈഎസ് ജില്ലാ ജനറല്‍ സെക്രട്ടറി സലീം എടക്കര ആയിരുന്നു. എംപി അബ്ദുസ്സമദ് സമദ് സമദാനിയാണ് മുഖ്യപ്രഭാഷണം നിർവഹിച്ചത്.
ഉറൂസ് മുബാറകിനോട് അനുബന്ധമായി ‘മുദര്‍രിസ് അവാർഡ്’ ദാനവും നടന്നു. കിടങ്ങഴി മുദര്‍രിസ് പാതിരമണ്ണ അബ്‌ദുറഹ്‌മാൻ ഫൈസിയാണ് ഇത്തവണത്തെ അവാർഡിന് അർഹതനേടിയിരുന്നത്. എസ്വൈഎസ് ജില്ലാ കമ്മിറ്റി നൽകുന്ന ‘മുദര്‍രിസ് അവാർഡ്’ സയ്യിദ് ഹൈദറലി ശിഹാബ് തങ്ങളിൽ നിന്നാണ് അബ്‌ദുറഹ്‌മാൻ ഫൈസി സ്വീകരിച്ചത്.
എസ്വൈഎസ് ജില്ലാ പ്രസിഡണ്ട് പാണക്കാട് സയ്യിദ് അബ്ബാസലി ശിഹാബ് തങ്ങള്‍, പിവി അബ്‌ദുൽ വഹാബ് എംപി, സമസ്‌ത ജില്ലാ ജനറല്‍ സെക്രട്ടറി പുത്തനഴി മൊയ്‌തീൻ ഫൈസി, എസ്വൈഎസ് സംസ്‌ഥാന വൈസ് പ്രസിഡണ്ട് കെഎ റഹ്‍മാൻ ഫൈസി കാവനൂര്‍, എസ്വൈഎസ് സംസ്‌ഥാന സെക്രട്ടറി അബ്ദുസ്സമദ് പൂക്കോട്ടൂര്‍, അഡ്വ. എം ഉമ്മര്‍ എംഎല്‍എ, അഡ്വ. യുഎ ലത്തീഫ്, എസ്വൈഎസ് ജില്ലാ ട്രഷറര്‍ അബ്‌ദുൽ ഖാദിര്‍ ഫൈസി കുന്നുംപുറം, ശാഹുല്‍ ഹമീദ് മാസ്‌റ്റർ മേല്‍മുറി, ഹസന്‍ സഖാഫി പൂക്കോട്ടൂര്‍, ഹംസ റഹ്‌മാനി കൊണ്ടിപറമ്പ്, വിപി ചെറിയാപ്പു കിടങ്ങഴി, കണ്ണിയന്‍ അബൂബക്കര്‍ എന്നിവർ പ്രസംഗിച്ചു.
കെകെഎസ് ബാപ്പുട്ടി തങ്ങള്‍, സയ്യിദ് ബിഎസ്‌കെ തങ്ങള്‍, സയ്യിദ് ഫഖ്‌റുദ്ദീന്‍ തങ്ങള്‍ നെല്ലിക്കുത്ത്, ഒടി മുസ്‌തഫ ഫൈസി, എംപി മുഹമ്മദ് മുസ്‌ലിയാര്‍ കടുങ്ങല്ലൂര്‍, സി അബ്‌ദുല്ല മൗലവി വണ്ടൂര്‍, അബ്‌ദുൽ ഗഫൂര്‍ ഫൈസി കിടങ്ങഴി, ഉമര്‍ മുസ്‌ലിയാര്‍ കിഴിശ്ശേരി, അബു മുസ്‌ലിയാര്‍ രാമംകുളം, അയ്യൂബ് സഖാഫി പള്ളിപ്പുറം, കണ്ണിയന്‍ അബ്‌ദുല്ല മുസ്‌ലിയാര്‍, കെ ഇബ്‌റാഹീം ഫൈസി തിരൂര്‍ക്കാട്, അബ്‌ദുൽ മജീദ് ദാരിമി വളരാട് എന്നിവർ പരിപാടിയിൽ പങ്കെടുത്തു.
ശമീര്‍ ഫൈസി ഒടമല മൗലിദ് പാരായണത്തിന് നേതൃത്വം നല്‍കി. സയ്യിദ് സാബിഖലി ശിഹാബ് തങ്ങള്‍, സിഎം കുട്ടി സഖാഫി വെള്ളേരി, ആനമങ്ങാട് മുഹമ്മദ് കുട്ടി ഫൈസി, നാസിറുദ്ദീന്‍ ദാരിമി ചീക്കോട്, അബ്‌ദുറഹ്‌മാൻ ദാരിമി മുണ്ടേരി, എം സുല്‍ഫിക്കര്‍ അരീക്കോട്, ശറഫുദ്ദീന്‍ എടവണ്ണ, ഒകെഎം കുട്ടി ഉമരി, അബ്‌ദുൽ അസീസ് ദാരിമി മുതിരിപ്പറമ്പ്, കെകെ മുഹമ്മദ് അമാനുല്ല ദാരിമി, പികെ ലത്തീഫ് ഫൈസി മേല്‍മുറി, ജഅ്ഫര്‍ ഫൈസി പഴമള്ളൂര്‍ എന്നിവരും സംബന്ധിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
