മലപ്പുറം: എസ്‌വൈഎസ് മലപ്പുറം ഈസ്ററ് ജില്ലാ കമ്മിറ്റിക്കു കീഴില്‍ മഞ്ചേരിയില്‍ പൂര്‍ത്തിയാകുന്ന സാന്ത്വന സദനം സമര്‍പ്പണത്തിന്റെ ഭാഗമായി സംഘടിപ്പിക്കുന്ന എന്റെ കൈനീട്ടം സ്വീകരണ സംഗമം നാളെ നടക്കും.
ഇന്ത്യന്‍ ഗ്രാന്റ് മുഫ്‌തി കാന്തപുരം എപി അബൂബക്കര്‍ മുസ്‌ലിയാര്‍, കേരള മുസ്‌ലിം ജമാഅത്ത് സംസ്‌ഥാന ജനറല്‍ സെക്രട്ടറി സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി, സമസ്‌ത സെക്രട്ടറി പൊൻമള അബ്‌ദുൽ ഖാദര്‍ മുസ്‌ലിയാര്‍, കേരള മുസ്‌ലിം ജമാഅത്ത് ജില്ലാ പ്രസിഡണ്ട് കൂറ്റമ്പാറ അബ്‌ദുറഹ്‌മാൻ ദാരിമി, ജില്ലാ സെക്രട്ടറി മുസ്‌തഫ മാസ്‌റ്റർ കോഡൂര്‍ തുടങ്ങിയ പ്രമുഖർ പങ്കാളികളായി തുടക്കം കുറിച്ച ഫണ്ടാണ് നാളെ സാദാത്തുക്കളുടേയും പ്രസ്‌ഥാന നേതാക്കളുടേയും നേതൃത്വത്തിൽ ഏറ്റ് വാങ്ങുന്നത്.
പാവപ്പെട്ടവര്‍ക്ക് സൗജന്യ ചികിൽസ ലഭ്യമാക്കുക, ലഹരിക്കടിമപ്പെട്ടവരെ മോചിപ്പിക്കുക, തെരുവിലലയുന്നവരെ സംരക്ഷിക്കുക തുടങ്ങി നിരവധി സാമൂഹിക ലക്ഷ്യങ്ങൾ ഉള്‍ക്കൊള്ളുന്ന സാന്ത്വന സദനം ഡിസംബര്‍ 20ന് കാന്തപുരം എപി അബൂബക്കര്‍ മുസ്‌ലിയാര്‍ സമൂഹത്തിന് സമര്‍പ്പിക്കും.
ജില്ലയിലെ മുപ്പതിനായിരം കുടുംബങ്ങളിൽ നിന്നും സാമൂഹ്യ രാഷ്‌ട്രീയ രംഗത്തെ പ്രമുഖരിൽ നിന്നും മഹല്ല് ഭാരവാഹികളിൽ നിന്നും പ്രവർത്തകർ ഏറ്റുവാങ്ങിയ കൈനീട്ടമാണ് നാളെ നടക്കുന്ന ചടങ്ങിൽ സാന്ത്വന സദനത്തിനായി സമർപ്പിക്കുന്നത്.
Most Read: സ്‌റ്റാൻ സ്വാമി കേസ്; ജയിലധികൃതർ കോടതിവിധി നടപ്പിലാക്കി
ഞങ്ങളുടെ വാർത്തകൾ നൽകുന്നതിന് അഭിനന്ദനങ്ങൾ