ചെന്നൈ: ധനുഷ് ചിത്രം ‘അസുരനി’ൽ വില്ലൻ വേഷം അവതരിപ്പിച്ച തമിഴ് നടൻ നിതീഷ് വീര (45) കോവിഡ് ബാധിച്ച് മരിച്ചു. ചെന്നൈയിലെ ഒരു സ്വകാര്യ ആശുപത്രിയിൽ ചികിൽസയിലായിരുന്ന നടൻ തിങ്കളാഴ്‌ച പുലർച്ചെ മരണത്തിന് കീഴടങ്ങി.
പുതുപേട്ടയ്, കാലാ, വെണ്ണില കബഡി കുഴു, അസുരൻ തുടങ്ങിയ ചിത്രങ്ങളിലെ കഥാപാത്രങ്ങളിലൂടെയാണ് നിതീഷ് പ്രേക്ഷക മനസുകളിൽ ഇടം നേടിയത്. രജനികാന്ത് ചിത്രം ‘കാലാ’യിലും ‘അസുരനി’ലും ഗംഭീര പ്രകടനമായിരുന്നു താരം കാഴ്‌ചവെച്ചത്.
വിജയ് സേതുപതിയും ശ്രുതി ഹാസനും പ്രധാന കഥാപാത്രങ്ങളെ അവതരിപ്പിക്കുന്ന ‘ലാഭം’ എന്ന ചിത്രത്തിലും നിതീഷ് ഒരു പ്രധാന കഥാപാത്രത്തെ അവതരിപ്പിച്ചിട്ടുണ്ട്. നടന്റെ മരണത്തിൽ സിനിമാ പ്രവർത്തകരും ആരാധകരും അനുശോചനം രേഖപ്പെടുത്തി.
Read also: പ്രശസ്‌ത എഴുത്തുകാരൻ യുഎ ഖാദറിന്റെ ഭാര്യ അന്തരിച്ചു
