വയനാട്: ജില്ലയിലെ പുത്തൂർവയൽ മഞ്ഞളാംകൊല്ലിയിൽ കത്തി കരിഞ്ഞ നിലയിൽ മൃതദേഹം കണ്ടെത്തി. തമിഴ്നാട് സ്വദേശി മുത്തുകൃഷ്ണൻ (72)നാണ് മരിച്ചത്. വീടിന് സമീപത്ത് നിന്നാണ് മൃതദേഹം കണ്ടെത്തിയത്. വീട്ടിൽ നിന്ന് ആത്മഹത്യ കുറിപ്പ് കണ്ടെത്തിയിട്ടുണ്ട്.
ഇയാൾ രണ്ടാഴ്ചയിലേറെയായി വീട്ടിൽ ഒറ്റയ്ക്ക് താമസിക്കുകയായിരുന്നു. പാലക്കാട് മകളുടെ വീട്ടിൽ ആയിരുന്ന ഭാര്യ ഇന്ന് തിരിച്ചെത്തിയപ്പോളാണ് മൃതദേഹം കണ്ടത്. ഫോറൻസിക് വിദഗ്ധർ സംഭവ സ്ഥലത്തെത്തി പരിശോധന നടത്തി. മൃതദേഹം പോസ്റ്റുമോർട്ടത്തിനായി മെഡിക്കൽ കോളേജിലേക്ക് കൊണ്ടുപോയി. പ്രാഥമിക അന്വേഷണത്തിൽ ദുരൂഹതകളില്ലെന്ന് മേപ്പാടി പോലീസ് അറിയിച്ചു.
Read Also: മണ്ണാർക്കാട് ബയോഗ്യാസ് പ്ളാന്റിൽ വൻ തീപിടുത്തം; മുപ്പത്തോളം പേര്ക്ക് പരിക്ക്