ന്യൂ ഡെല്ഹി: രാഹുല് ഗാന്ധിയെയും സോണിയാ ഗാന്ധിയെയും യോഗി ആദിത്യനാഥിന് ഭയമാണെന്ന് മുതിര്ന്ന അഭിഭാഷകനായ പ്രശാന്ത് ഭൂഷണ്. രാഹുലും പ്രിയങ്കയും ഹത്രസില് എത്തുന്നത് യോഗി ഭയപ്പെടുന്നു എന്നും അതുകൊണ്ടാണ് അവരെ തടയാന് ശ്രമിക്കുന്നതെന്നും പ്രശാന്ത് ഭൂഷണ് പറഞ്ഞു.
‘രാഹുലും പ്രിയങ്കയും ഹത്രസില് കൊല്ലപ്പെട്ട പെണ്കുട്ടിയുടെ കുടുംബത്തെ സന്ദര്ശിക്കുന്നത് യോഗിക്ക് ഭയമാണ്. അതുകൊണ്ടാണ് അവരെ തടയാന് സൈന്യത്തെ വിന്യസിച്ചത്. യോഗി ആദിത്യനാഥിന്റെ ദിവസങ്ങള് എണ്ണപ്പെട്ട് കഴിഞ്ഞു. രാഹുലിന്റെയും പ്രിയങ്കയുടേയും പ്രവര്ത്തി കോണ്ഗ്രസ് പാര്ട്ടിയുടെ തിരിച്ചു വരവിനെ അടയാളപ്പെടുത്തും എന്നതില് സംശയമില്ല’-. പ്രശാന്ത് ഭൂഷണ് ട്വീറ്റ് ചെയ്തു.
അതിനിടെ രാഹുല് ഗാന്ധിയും പ്രിയങ്ക ഗാന്ധിയും ഹത്രസില് കൊല്ലപ്പെട്ട പെണ്കുട്ടിയുടെ കുടുംബത്തെ സന്ദര്ശിച്ചു മടങ്ങി. ഇവരെ കടത്തി വിടാതിരിക്കാന് യു.പി പൊലീസ് പരമാവധി ശ്രമിച്ചിരുന്നെങ്കിലും രാഹുലും പ്രിയങ്കയും പിൻമാറാന് തയാറായിരുന്നില്ല. അഞ്ച് പേര്ക്ക് പോകാമെന്നാണ് പൊലീസ് അറിയിച്ചത്. കെ.സി വേണുഗോപാല്, അധീര് രഞ്ജന് ചൗധരി, രണ്ദീപ് സിങ് സുര്ജേവാല എന്നിവരും സംഘത്തില് ഉണ്ടായിരുന്നു.
Read also: ഹത്രസ്; പെണ്കുട്ടിയുടെ കുടുംബത്തിന് സി ആര് പി എഫ് സുരക്ഷ നല്കണമെന്ന് ശിവസേന