ഉദുമ: കെഎസ്ടിപി റോഡിൽ ബേക്കൽ പാലത്തിന്റെ കൈവരികൾ തകർന്നു. പാലത്തിന്റെ കിഴക്കുവശത്തുള്ള കൈവരികളാണ് തകർന്നിട്ടുള്ളത്. വടക്കേ അറ്റത്തെ തൂണുകൾക്കിടയിലെ മുഴുവനും തൊട്ടടുത്ത നിരയിൽ മുകളിലുള്ള കൈവരിയും നഷ്ടപ്പെട്ടിട്ടുണ്ട്. വാഹനമിടിച്ചതിന്റെ ലക്ഷണങ്ങൾ ഇവിടെ കാണാനില്ല.
കാൽനടയാത്രക്കാർക്ക് വേണ്ടി നിരത്തിയിരിക്കുന്ന കോൺക്രീറ്റ് സ്ളാബിലൂടെ നടക്കുന്നവർ ചെറുതായൊന്നു വഴുതിയാൽ, ആൾ നേരേ പുഴയിൽ വീഴുന്ന അവസ്ഥയാണിപ്പോഴുള്ളത്. കഴിഞ്ഞ സെപ്റ്റംബറിൽ ഈ പാലം നന്നാക്കിയപ്പോൾ കൈവരികളും പൊട്ടൽ വീണവയെല്ലാം മാറ്റിയിരുന്നു. കഴിഞ്ഞമാസം ഇതേ സ്ഥലത്ത് റോഡിലെ കുഴി ഒഴിവാക്കാൻ ശ്രമിച്ച ബൈക്ക് യാത്രക്കാരൻ ലോറിക്കടിയിൽപ്പെട്ട് മരിച്ചിരുന്നു.
Also Read: സംസ്ഥാനത്ത് തിയേറ്ററുകൾ ഉടൻ തുറക്കില്ല; മന്ത്രി സജി ചെറിയാൻ