കോട്ടയം: ബാലറ്റ് പേപ്പറില്‍ കൈപ്പത്തി ചിഹ്‌നത്തിന് വലുപ്പ വ്യത്യാസം ഉണ്ടെന്ന് ചൂണ്ടിക്കാട്ടി യുഡിഎഫ് സ്‌ഥാനാര്‍ഥി തിരുവഞ്ചൂര്‍ രാധാകൃഷ്‌ണന്‍ പരാതി നല്‍കി. മറ്റു സ്‌ഥാനാര്‍ഥികളുടെ ചിഹ്‌നത്തേക്കാള്‍ ചെറുതാണ് കൈപ്പത്തി ചിഹ്നമെന്ന പരാതി മുഖ്യ തിരഞ്ഞെടുപ്പ് ഓഫീസര്‍ ടിക്കാറാം മീണക്ക് സമർപ്പിച്ചു.
ചിഹ്‌നത്തിന്റെ വലുപ്പത്തിൽ വ്യത്യാസം വന്നാൽ വോട്ടര്‍മാരില്‍ ആശയക്കുഴപ്പം സൃഷ്‌ടിക്കുമെന്നും ബാലറ്റ് പേപ്പറില്‍ എല്ലാ ചിഹ്‌നത്തിനും ഒരേ വലുപ്പം നല്‍കി വീണ്ടും അച്ചടിക്കാന്‍ കോട്ടയത്തെ റിട്ടേണിങ് ഓഫീസര്‍ക്ക് നിർദേശം നല്‍കണമെന്നും പരാതിയില്‍ പറയുന്നു.
Read also: ശ്രീറാമിനെ തിരിച്ചു വിളിച്ചു; ശര്‍മിള മേരി ജോസഫിന് പകരം ചുമതല
