പട്ടിക്കാട്: സംസ്‌ഥാനത്ത്‌ മഴ ശക്‌തമാകുന്ന സാഹചര്യത്തിൽ വെട്ടത്തൂർ പഞ്ചായത്തിലെ മണ്ണാർമല ചീനിക്കപ്പാറ കോളനിയിലെ ആദിവാസി കുടുംബങ്ങളെ മാറ്റിപ്പാർപ്പിച്ചു. ഉരുൾപൊട്ടൽ ഭീഷണി നിലനിൽക്കുന്നതിനാലാണ് പ്രദേശത്തെ ആറ് പേരെ മണ്ണാർമല പിടിഎംഎ യുപി സ്‌കൂളിലെ ക്യാംപിലേക്ക് മാറ്റിയത്. നിലവിൽ എട്ട് പേരാണ് ചീനിക്കപ്പാറ കോളനിയിലുള്ളത്.
ലക്ഷ്‌മി എന്ന സ്‌ത്രീയും ഭർത്താവും ഇവരുടെ 13 മാസം പ്രായമായ കുഞ്ഞും മലമുകളിൽ തന്നെ തുടരുകയാണ്. അപകട സാധ്യത പറഞ്ഞ് മനസിലാക്കി ഇവരെ ക്യാംപിലേക്ക് കൂട്ടിക്കൊണ്ട് പോകാൻ ശ്രമിച്ചെങ്കിലും വരാൻ കൂട്ടാക്കിയില്ല. ഈ വിവരം വില്ലേജ് ഓഫീസർ മുഖേന തഹസിൽദാരെ അറിയിച്ചിട്ടുണ്ട്. കഴിഞ്ഞവർഷത്തെ മഴയിൽ മണ്ണാർമലയുടെ വിവിധ ഭാഗങ്ങളിൽ ഉരുൾപൊട്ടിയിരുന്നു.
Also Read: ടൗട്ടെ ഗുജറാത്ത് തീരത്തേക്ക്; കേരളത്തിൽ ഇന്നും മഴ കനക്കും; ജാഗ്രത
