പാലക്കാട്: മണാര്‍കാട് മാന്‍കൊമ്പുകളുമായി മൂന്ന് പേര്‍ പിടിയില്‍. പാലക്കാട് ഫ്‌ളയിംഗ് സ്‌ക്വാഡ് യൂണിറ്റും മണ്ണാര്‍ക്കാട് ഫോറസ്‌റ്റ് സ്‌റ്റേഷന്‍ സ്‌റ്റാഫും സംയുക്‌തമായാണ് മാന്‍കൊമ്പുകള്‍ പിടികൂടിയത്. മണ്ണാര്‍കാട് ഫോറസ്‌റ്റ് സ്‌റ്റേഷന്‍ പരിധിയിലെ മെഴുകുംപാറയില്‍ നിന്നാണ് സന്ദീപ്, പ്രഭാത് എം, മഹേഷ് എം പി എന്നിവരെ പിടികൂടിയത്. മൂന്ന് മാന്‍ കൊമ്പുകൾ ഇവരുടെ പക്കൽ നിന്ന് കണ്ടെത്തി.
എവിടെ നിന്നാണ് ഇവർക്ക് കൊമ്പുകള്‍ ലഭിച്ചതെന്ന് വനംവകുപ്പ് ഉദ്യോഗസ്‌ഥര്‍ അന്വേഷിച്ചുവരികയാണ്. മൂന്ന് പേരെയും 14 ദിവസത്തേക്ക് റിമാന്‍ഡ് ചെയ്‌തു. വേട്ടയാടി സംഘടിപ്പിച്ചതാണോ എന്നതടക്കം പ്രതികളെ വിശദമായി ചോദ്യം ചെയ്‌ത്‌ വരികയാണ്.
Most Read: കനത്ത മഴയിൽ കുതിരപ്പുറത്ത് ഫുഡ് ഡെലിവറി; വൈറൽ ബോയ് ആരെന്ന് തിരഞ്ഞ് സ്വിഗ്ഗി
