ന്യൂഡെല്‍ഹി: ഹരിയാനയിൽ ഇന്ന് നടക്കാനിരുന്ന പരിപാടി ‘കിസാന്‍ മഹാപഞ്ചായത്തി’ന്റെ വേദിക്കു നേരെ നടന്ന ആക്രമണത്തില്‍ കര്‍ഷക യൂണിയന്‍ നേതാവിനെ കുറ്റപ്പെടുത്തി മുഖ്യമന്ത്രി മനോഹര്‍ലാല്‍ ഖട്ടാര്‍. ഭാരതീയ കിസാന്‍ യൂണിയന്‍ അധ്യക്ഷന്‍ ഗുര്‍ണം ചാദുനിയാണ് ആക്രമണത്തിന് ഉത്തരവാദിയെന്ന് മനോഹര്‍ലാല്‍ ഖട്ടാര്‍ പറഞ്ഞു.
കേന്ദ്ര സര്‍ക്കാരിന്റെ പുതിയ കാര്‍ഷിക നിയമങ്ങളുടെ ആനുകൂല്യങ്ങള്‍ വിശദീകരിക്കാനായി സംഘടിപ്പിച്ച മനോഹര്‍ലാല്‍ ഖട്ടാര്‍ പങ്കെടുക്കനിരുന്ന പരിപാടിയാണ് ഇന്ന് റദ്ദാക്കിയത്. പരിപാടിയുടെ വേദി കര്‍ഷക പ്രക്ഷോഭ അനുകൂലികള്‍ തകര്‍ക്കുകയായിരുന്നു. ഹെലിപ്പാട് അടക്കം തകര്‍ത്തിരുന്നു. കര്‍ഷകര്‍ക്ക് നേരെ പോലീസ് ലാത്തി വീശുകയും കണ്ണീര്‍ വാതകം പ്രയോഗിക്കയും ഉണ്ടായി. കൂടുതല്‍ ആക്രമണ സാധ്യത കണക്കിലെടുത്തു ഖട്ടാറിന്റെ പരിപാടി റദ്ദാക്കുകയായിരുന്നു.
‘കര്‍ഷക സമരത്തിന് പിന്നില്‍ കോണ്‍ഗ്രസിനും ഇടത് പാര്‍ട്ടികള്‍ക്കും പ്രധാന പങ്കുണ്ട്. അത് തുറന്നുകാട്ടപ്പെടുകയാണ്. കര്‍ഷകര്‍ ഇത്തരം പ്രവര്‍ത്തനങ്ങള്‍ ചെയ്യില്ല. അക്രമികള്‍ കര്‍ഷകരെ അപകീര്‍ത്തിപ്പെടുത്തുകയാണ് ചെയ്‌തിട്ടുള്ളത്. ഇന്നത്തെ സംഭവം ജനങ്ങള്‍ക്ക് ഒരു സന്ദേശം നല്‍കി. അത് ഞാന്‍ തുറന്ന് കാട്ടാന്‍ ഉദ്ദേശിച്ചതിനേക്കാള്‍ വലുതാണ്. കര്‍ഷകന് വിദ്യാഭ്യാസം കുറവായിരിക്കാം എന്നാലും അവന്‍ വിവേകിയാണ്’- ഖട്ടാര്‍ പറഞ്ഞു.
കര്‍ഷക പ്രക്ഷോഭകരുമായി ജില്ലാ ഭരണകൂടം കഴിഞ്ഞ ദിവസം സംസാരിച്ചതാണ്. പ്രതീകാത്‌മക സമരം നടത്താന്‍ അവര്‍ക്ക് സമ്മതം നല്‍കിയതുമാണ്. ആ വിശ്വാസത്തിലാണ് ഒരുക്കങ്ങള്‍ നടത്തിയത്. അയ്യായിരത്തിലധികം പേര്‍ ഇന്ന് പ്രതിഷേധത്തില്‍ പങ്കെടുത്തെങ്കിലും ചിലര്‍ വാഗ്‌ദാനം പാലിക്കുന്നതില്‍ പരാജയപ്പെട്ടെന്നും ഖട്ടാര്‍ പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
