തിരുവനന്തപുരം: വിനോദസഞ്ചാരം മുന്നിര്ത്തി മൂന്നാറിലേക്ക് ട്രെയിന് സര്വീസ് പുനരാരംഭിക്കാനുള്ള സാധ്യത പരിശോധിക്കുമെന്ന് ധനമന്ത്രി തോമസ് ഐസക്ക്. പദ്ധതിയുമായി സഹകരിക്കാനും ഭൂമി വിട്ടു നല്കാനും ടാറ്റാ കമ്പനി താൽപര്യം അറിയിച്ചിട്ടുണ്ട്. കോഴിക്കോട്, തിരുവനന്തപുരം എന്നിവിടങ്ങളില് പൈതൃക പദ്ധതികള് നടപ്പാക്കുമെന്നും ധനമന്ത്രി പറഞ്ഞു.
മുസിരിസ്, ആലപ്പുഴ,തലശ്ശേരി പൈതൃക പദ്ധതികള്ക്ക് പുറമേ തിരുവനന്തപുരം, കോഴിക്കോട് ജില്ലകളിലും പൈതൃക പദ്ധതി നടപ്പിലാക്കും. ഈ പദ്ധതികള്ക്ക് 40 കോടി അനുവദിച്ചു. തിരുവനന്തപുരം ജില്ലക്ക് പത്ത് കോടി അധികമായി അനുവദിച്ചു. ഇവിടേക്കുള്ള വിദ്യാര്ഥികളുടെ പഠനയാത്ര പ്രോല്സാഹിപ്പിക്കാന് അഞ്ച് കോടിയും അനുവദിച്ചതായി ധനമന്ത്രി വ്യക്തമാക്കി.
Read also: പത്രപ്രവർത്തക പെൻഷൻ വർധിപ്പിച്ചു; വനിതാ സംവിധായകർക്ക് മൂന്ന് കോടി