തിരുവനന്തപുരം: പത്രപ്രവർത്തക പെൻഷൻ വർധിപ്പിച്ചു. ജേണലിസ്റ്റ്, നോൺ-ജേണലിസ്റ്റ് പെൻഷനിൽ ആയിരം രൂപയാണ് വർധിപ്പിച്ചിരിക്കുന്നത്. തിരുവനന്തപുരത്ത് വനിതാ മാദ്ധ്യമ പ്രവർത്തകർക്ക് താമസ സൗകര്യം ഒരുക്കുമെന്നും ധനമന്ത്രിയുടെ ബജറ്റിൽ പറയുന്നു.
കൂടാതെ, വനിതാ ചലച്ചിത്ര സംവിധായകർക്കായി പരമാവധി 50 ലക്ഷം രൂപ വീതം മൂന്ന് കോടി രൂപ അനുവദിക്കും. പട്ടിക വിഭാഗങ്ങളിലെ സംവിധായകരുടെ സിനിമകൾക്ക് രണ്ട് കോടി രൂപയും വകയിരുത്തും. കൊച്ചി കടവന്ത്രയിൽ പോസ്റ്റ് പ്രൊഡക്ഷൻ സെന്റർ സ്‌ഥാപിക്കുമെന്നും മന്ത്രി പറഞ്ഞു.
അന്തരിച്ച പ്രശസ്‌ത കവയിത്രി സുഗതകുമാരിയുടെ സ്‌മാരകത്തിന് ആറൻമുളയിൽ രണ്ട് കോടി രൂപ അനുവദിക്കുമെന്നും മന്ത്രി അറിയിച്ചു.
Also Read: ഭക്ഷ്യക്കിറ്റ് വിതരണം തുടരും; തദ്ദേശ ജനപ്രതിനിധികളുടെ ഓണറേറിയം വർധിപ്പിച്ചു
