പാലക്കാട്: അട്ടപ്പാടി താഴെ മഞ്ചിക്കണ്ടിയിൽ രണ്ടുപേർ ഷോക്കേറ്റ് മരിച്ചു. താഴെ മഞ്ചിക്കണ്ടി സ്വദേശി മാത്യു പുത്തൻപുരക്കൽ, ചെർപ്പുളശ്ശേരി സ്വദേശി രാജൻ എന്നിവരാണ് മരിച്ചത്. മാത്യുവിന്റെ ഉടമസ്ഥതയിലുള്ള കടയോട് ചേർന്നാണ് ഇരുവരുടെയും മൃതദേഹം കണ്ടെത്തിയത്. ഈ കടയോട് ചേർന്ന് രാജനും കച്ചവട സ്ഥാപനം തുടങ്ങാനുള്ള ശ്രമത്തിലായിരുന്നു.
കടയിലെ നിർമാണ ജോലിക്കിടെ വൈദ്യുതാഘാതം ഏറ്റെന്നാണ് പ്രാഥമിക നിഗമനം. സർവീസ് വയറുമായി ബന്ധിപ്പിക്കുന്ന കമ്പിയിലൂടെ ഷോക്കേറ്റതിന്റെ തെളിവുകൾ പോലീസ് ശേഖരിച്ചിട്ടുണ്ട്. രാത്രി 11 മണിക്ക് ശേഷമാണ് സംഭവം നടന്നതെന്നാണ് പോലീസ് പറയുന്നത്. ഇന്ന് രാവിലെയാണ് നാട്ടുകാർ വിവരം അറിയുന്നത്. ഇരുവരുടെ മൃതദേഹം അഗളി ആശുപത്രിയിലേക്ക് മാറ്റി. അസ്വാഭാവിക മരണത്തിന് അഗളി പോലീസ് കെസെടുത്ത് അന്വേഷണം ആരംഭിച്ചിട്ടുണ്ട്.
Most Read: കുരുക്ക് മുറുകുന്നു; മാനനഷ്ടക്കേസിൽ രാഹുൽ ഗാന്ധിക്ക് പാറ്റ്ന കോടതി നോട്ടീസ്